Leita
Finnur þú það ekki? Prófaðu leitina :)

Jón Jónsson ásamt hljómsveit

jonjonsson_poster.jpg

Föstudaginn 17. febrúar mun Jón Jónsson stíga á svið í Hljómahöll ásamt hljómsveit sinni. Er þetta í annað sinn sem Jón Jónsson heldur tónleika í fullri lengd í Bítlabænum fagra og þá seldist hratt upp og því mikil tilhlökkun í hans herbúðum. Í desember seldist upp á ferna tónleika með Johnny Jay í Austurbæ og einnig seldist upp á tónleika hans á Græna hattinum á Akureyri oog því er upplagt að tryggja sér miða í tæka tíð.

Á tónleikum sínum í desember naut Jón Jónsson fulltingis blásturshljóðfæraleikara og þótti það setja skemmtilegan brag á heildarmyndina og því verða þeir ekki skildir eftir heima. Once you go brass you can't go back.

Jón Jónsson gaf út plötuna Heim fyrir jólin 2014 og hafa lög á borð við Gefðu allt sem þú átt, Endurgjaldslaust, Ykkar koma og Heltekur minn hug fengið að óma á útvarpsstöðum landsins auk þess sem lagið Your day var eitt vinsælasta lagið á útvarpsstöðvum árið 2016.

 Platan Wait for Fate sló einnig rækilega í gegn þegar hún kom út árið 2011 og er aldrei að vita nema lög eins og Kiss in the Morning, Sooner or Later, Always Gonna Be There og When You’re Around fái að hljóma þann 17. febrúar.

Jón Jónsson er þekktur fyrir sína hlýlegu og einlægu sviðsframkomu og því ættu gestir að reikna með notalegri kvöldstund þar sem vel valdir tónar fá að hljóma í bland við ekki svo vel valda brandara.

Kaupa miða.

Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík