Leita
Finnur þú það ekki? Prófaðu leitina :)

Lava Hostel

Lava Hostel er staðsett í skátaheimili Hraunbúa í Hafnarfirði í hjarta höfuðborgarsvæðisins. Lava Hostel býður upp á gistingu á góðu verði í fallegu umhverfi Víðistaðatúns þar sem tveir heimar mætast, álfheimar og borgarlífið. Herbergin eru frá tveggja manna og upp í átta manna auk svefnpokaplássa í sal fyrir stærri hópa. Gestir hafa aðgang að þráðlausu Interneti, þvottaaðstöðu, vel útbúnu eldhúsi og borðstofu. Í húsinu er huggulegur veislusalur sem leigður er út fyrir viðburði. Öll nauðsynleg þjónusta er á næsta leiti og náttúran handan við hornið.

Ef þú ert að leita af fjölskylduvænu og vinalegu tjaldsvæði nálægt Reykjavík, þá er tjaldsvæðið á Víðistaðatúni staðurinn fyrir þig. Tjaldsvæðið er í göngufjarlægð frá miðbæ Hafnarfjarðar og er staðsett nálægt verslunum, kaffihúsum, veitingahúsum og sundlaug. Á tjaldsvæðinu hefur þú aðgang að klósetti, sturtu, heitu og köldu vatni, þvottavél og þurrkara. Gestum á tjaldsvæðinu er einnig velkomið að nota eldhúsaðstöðu og internet á Lava hosteli.

Lava hostel og Tjaldsvæðið á Víðistaðatúni er rekið af Skátafélaginu Hraunbúum í Hafnarfirði.

Lava Hostel

Hjallabraut 51

GPS punktar N64° 4' 32.656" W21° 57' 53.919"
Gisting 9 Herbergi / 40 Rúm
Opnunartími 01/05 - 30/09

Lava Hostel - ferðaupplýsingar

Úr gagnagrunni Ferðamálastofu Íslands

Aðrir

Hey Iceland
Hótel
  • Síðumúli 2
  • 108 Reykjavík
  • 570-2700
Norðurflug ehf.
Vetrar afþreying
  • Bygging 313, Reykjavíkurflugvöllur
  • 101 Reykjavík
  • 562-2500
Arctic Advanced ehf
Gönguferðir
  • Dragháls 10
  • 110 Reykjavík
  • 777-9966
Ferðaskrifstofa Kynnisferða ehf.
Ferðaskrifstofur
  • BSÍ Bus Terminal
  • 101 Reykjavík
  • 580-5400
Iceland Advice ehf.
Upplýsingamiðstöðvar
  • Flatahraun 31
  • 220 Hafnarfjörður
  • 519-4455
Reykjavik Excursions ehf.
Ferðaskrifstofur
  • Vesturvör 34
  • 200 Kópavogur
  • 580-5402
Aurora Hunters ehf.
Ferðaskrifstofur
  • Lautasmári 5, íb. 14
  • 201 Kópavogur
  • 453-5981
Hreyfill svf.
Ferðasali dagsferða
  • Fellsmúli 26
  • 108 Reykjavík
  • 588-5522
Hópferðir ehf.
Rútuferðir
  • Logafold 104
  • 112 Reykjavík
  • 577-7775
Ferðaglaður ehf.
Ferðasali dagsferða
  • Fróðengi 14
  • 112 Reykjavík
  • 847-9799, 898-2198
Northern Tours ehf.
Dagsferðir
  • Stórhöfði 21
  • 110 Reykjavík
  • 770-2949, 775-8822
Golfklúbbur Vatnsleysustrandar
Golfvellir
  • Kálfatjörn
  • 190 Vogar
  • 424-6529
Guide to Iceland ehf.
Gönguferðir
  • Borgartún 29
  • 105 Reykjavík
  • 519-7999
Secret North
Dagsferðir
  • Einidalur 14
  • 260 Reykjanesbær
  • 823-5500
Adventure Patrol sf.
Dagsferðir
  • Flesjakór 13
  • 203 Kópavogur
  • 666-4700
FishIceland.com
Dagsferðir
  • Gauksás 27
  • 221 Hafnarfjörður
  • 534-8082
My Iceland Guide
Dagsferðir
  • Dalvegur 18
  • 201 Kópavogur
  • 696-1196
Thors Travel - Kristján Þór Haraldsson
Dagsferðir
  • Jakasel 9
  • 109 Reykjavík
  • 894-1107
Boreal
Vetrar afþreying
  • Austurberg 20
  • 111 Reykjavík
  • 864-6489
Made in Mountains ehf.
Ferðaskrifstofur
  • Fiskislóð 16
  • 101 Reykjavík
  • 774-8600
Gateway to Iceland ehf. - GTI
Ferðaskrifstofur
  • Akralind 8
  • 201 Kópavogur
  • 534-4446
Iceland Unlimited ehf.
Ferðaskrifstofur
  • Borgartún 27
  • 105 Reykjavík
  • 415-0600
IcelandAurora.com
Ljósmyndaferðir
  • Frostafold 22
  • 112 Reykjavík
  • 868-2673
Náttúra
6.71 km
Kapelluhraun

Úfið og gróðursnautt hraun milli Hafnarfjarðar og Staums. Talið er að það hafi runnið snemma á sögulegum tíma. Í hrauninu, sunnan við Reykjanesbrautina á móti álverinu í Staumsvík er lítið byrgi, hlaðið úr hraungrýti og nefnist kapella. Árið 1950 fannst þar við uppgröft lítið líkneski heilagrar Barböru og eru líkur til að þarna hafi verið bænastaður í kaþólskum sið. Á síðustu árum hefur mikið efni verið tekið úr hrauninu til uppfyllingar í húsgrunna og götur á Stór- Reykjavíkursvæðinu og það sléttað. Hraunhóllinn með kapellunni hefur verið látinn ósnortinn og er hún fiðlýst

Náttúra
19.41 km
Keilisnes

Nes milli Flekkuvíkur og Kálfatjarnar. Efst á nesinu, skammt frá gamla þjóðveginum, er varða sem Stefánsvarða heitir, á hæð sem við hana er kennd. Þaðan er mikið útsýni yfir Faxaflóa. Örn Arnarson skáld lýsir siglingu Stjána bláa fyrir Keilisnes í örlagaþrungnasta minningarkvæði sem ort hefur verið um íslenskan sjómann:

Æsivindur lotugangur
Löðri siglum hærra blés
Söng í reipum. Sauð á kenipum.
Sá í grænan vegg til hlés.
Stjáni blái strengdi klóna,
Stýrði fyrir Keilisnes.

Náttúra
24.86 km
Seltún

Hverir á háhitasvæði sem eru innan Reykjanes Fólkvangs.

Frábært tækifæri til rannsókna þar sem mikið er af leir, brennisteini og öðrum efnum sem gefa staðnum litríkt yfirbragð. Bílastæði við Seltún er búið að útbúa nýtt þjónustu- og salernishús eins eru góðir göngustígar um hverasvæðið.

Staðsetning: Vegur 42, bílastæði, rétt við Kleifarvatn.

Náttúra
24.61 km
Hrafnagjá

Hrafnagjá er siggengi á togsprungu. Siggengið er um 12 km langt og allt að 30 m hátt. Það er lengsta brotalínan af þeirri gerð á Reykjanesskaga og sést af Reykjanesbraut. Hrafnagjáin er hluti dæmigerðs sigdals skammt frá Vogum.

Staðsetning: Sprungan nær frá Stóru-Vatnsleysu suðvestur á móts við Vogastapa, en er ekki þó alveg samfelld. Þar sem gjáin er dýpst á móts við Voga. Hægt er að skoða gjána við veginn hjá Stóru-Vatnsleysu og ef gengið er frá bílastæði sem er við mislægu gatnamótin til Voga.

Hrafnagjá er áfangastaður (e. geosite) í Reykjanes Unesco Global Geopark.

Náttúra
10.18 km
Almenningur

Hraunspilda sem hefur runnið úr Hrútagjárdyngju fyrir um 7.000 árum. Er dyngjan nyrst í Móhálsadalnum sem er dalur milli Sveifluháls og Núpshlíðarháls. Var þar fyrrum skógi vaxið en han eyddist af höggi og beit.

Síðan um aldamót 19. og 20 . aldar hefur hraunið lítið verið breitt enda hefur það gróið nokkuð á ný. Á Almenningi er einn hinna mörgu Gvendarbrunna, við gamla veginn. Almenningsnafnið mun dregið af því að þar var sameiginlegt beitiland Hraunbæjanna. Mjög nálægt Reykjanesbrautinni sunnan megin eru hinir sérkennilegu Hvassahraunskatlar. Þeir eru nokkurs konar strompar sem gas og gufur komu upp um þegar hraunið rann.

Staðsetning: Milli Kappeluhraun og Afstapahraun á Vatnsleysuströnd.

Náttúra
23.08 km
Sogasel

Þar má finna gamlar rústir af skýli sem er í gíg.

Það var notað í gamla daga fyrir kýr yfir sumartímann.


Staðsetning: Stutt að fara frá vegi 428, en hann er lokaður veturnar.

Náttúra
23.68 km
Reykjanesfólkvangur

Stórt friðlýst svæði tilvalið til útivistar og náttúruskoðunar.

Reykjanesfólkvangur er á sunnanverðum Reykjanesskaga og nær milli Vesturháls í vestri og að sýslumörkum Árnessýslu í austri og niður að sjó. Norðan megin liggja mörk hans meðfram Heiðmörk og Bláfjallafólkvangi. Að honum standa 7 sveitarfélög; Reykjavík, Seltjarnarnes, Kópavogur, Garðabær, Hafnarfjörður, Grindavík og Reykjanesbær. Fólkvangurinn er um 300 km2 að stærð, langstærsta friðlýsta svæðið sinnar tegundar. Þar er meiri gróður en víðast hvar annars staðar á Reykjanesskaga og er landið kjörið til útivistar og náttúruskoðunar. Innan fólkvangsins eru þessir helstu staðir Krýsuvík, Seltún, Kleifarvatn, Grænavatn, Krýsuvíkurberg, Vesturháls (Núpshlíðarháls) og Austurháls (Sveifluháls), Búrfell og Búrfellsgjá, Stóra-Eldborg og Brennisteinsfjöll. Upp á hálsunum eru nokkur smá vötn, Grænavatn, Arnarvatn og Spákonuvatn. Í Djúpavatni er silungsveiði eins og í Kleifarvatni. Möguleikar til gönguferða í fólkvanginum eru nánast ótakmarkaðar.

Náttúra
17.50 km
Lambafellsgjá

Gjá hjá Lambafelli sem er nokkuð víð og getur verið 50 metra djúp.

Hægt er að ganga eftir gjánni þar að segja yfir sumartímann. Bólstraberg má finna í veggjum hennar.

Staðsetning: Keyrt er að Höskuldsvöllum og beygt þaðan niður að Trölladyngju. Bílastæði er við Eldborg og þaðan er gengið austan hennar að Lambafelli.

Náttúra
14.00 km
Hvassahraunkatlar

Áhugaverð hraundrýli í hrauni úr Hrútagjárdyngju. Þau myndast jafnan við öflugt gasútstreymi nálægt eldgíg en í þessu tilviki um 10 km frá dyngjuhvirflinum.

Hraun hefur runnið mest í norður og er allt milli Vatnsleysuvíkur austur að Hvaleyrarholti og að Kaldárseli.

Staðsetning: Af Krýsuvíkurvegi (42) liggur Djúpavantsleið. Finna má skilti við þann veg sem vísar leiðina.

Hvassahraunskatlar eru áfangastaður (e. geosite) í Reykjanes Unesco Global Geopark.

Náttúra
16.62 km
Hrútagjárdyngja

Hrútagjárdyngja er 6.000-6.500 ára hraundyngja sem þekur um 80-100 km2 lands. Alls rúmir 3 rúmkílómetrar af hrauni. Dyngjan er með stórum toppgíg og skorin djúpum gjám sem kunna að vera merki um ris vegna kvikuinnskota.

Hrútagjárdyngja er einn af stærstu hraunskjöldum á Reykjanesi.

Í hrauninu er hægt að finna hraunhella þ.a.m Steinbogahelli.

Staðseting: Keyrt er að Hrútagjárdyngju af Krýsuvíkurvegi.


Hrútagjárdyngja er áfangastaður (e. geosite) í Reykjanes Unesco Global Geopark.

Náttúra
14.87 km
Sveifluháls

Hraunbreiða fyrir vestan Krýsuvík suður af Núpshlíðarhálsi ( Vesturháls).

Vestasti hluti þeirrar hraunbreiðu, sem á uppdráttum er nefnt Ögmundarhraun er þó af öðrum toga spunnið, það nær vestur undir Ísólfsskála. Ögmundarhraun er runnið frá norðurhluta gígaraðar austan í Núpshlíðarhálsi og hefur meginhraunflóðið fallið milli Latsfjalls og Krýsuvíkur-Mælifells og allt suður í sjó og langleiðina austur undir Krýsuvíkurberg. Sunnan til í hrauninu er 2 hólmar sem standa upp úr og er annar nefndur Óbrynnishólmi en hinn, sá austari Húshólmi. Í þeim síðar nefnda eru bæjarrústir sem taldar eru vera með þeim elstu á landinu eða frá landnámi og mótar vel fyrir þeim eins og sést á loftmyndinni hér. Er talið að hér séu rústir af elstu kirkju á Íslandi.



Náttúra
19.58 km
Kleifarvatn

Stöðuvatn á miðjum Reykjanesskaga milli Sveifluháls og Vatnshlíðar. Kleifarvatn er þriðja stærsta stöðuvatn á Suðurlandi,um 10 km2 og eitt af dýpstu vötnum landsins 97m. Það hefur lítilsháttar aðrennsli en ekkert frárennsli nema gljúpan jarðveg. Töluverður jarðhiti er syðst í vatninu og einnig út af Innri stapa vestan við það.

Fyrir einhverjum árum síðan voru silungsseiði látin í vatnið og dafnar fiskurinn ágætlega í því. Munnmæli herma a skrímsli hafi haldið sig við Kleifarvatn og sést þar endrum og eins. Á það að hafa verið ormskrímsli, svart að lit og á við meðal stórhveli að stærð.


Saga og menning
20.04 km
Staðarborg

Fjárborg á Strandarheiði.

Staðsett 2-3 km frá Kálfatjörn, í stefnu þaðan og á Dyngju.

Hún er hringlaga, hlaðin eingöngu úr grjóti og er hverjum steini hagrætt í hleðslunni af hinni mestu snilld. Vegghæðin er um 2 m og þvermál að innan um 8 m. Ummál hringsins að utanverðu er um 35 m. Gólfið inni í borginni er grasi gróið og rennislétt. Ekki er vitað hvenær borgin var hlaðin en menn telja hana nokkur hundruð ára gamla. Munnmæli herma að maður að nafni Guðmundur hafi hlaðið borgina fyrir Kálfatjarnarprest.

Guðmundur vandaði vel til verka, safnaði grjóti saman úr nágrenninu, bar það saman í raðir og gat einnig valið þá hleðslusteina sem saman áttu. Ætlun hans var að hlaða borgina í topp. En er hann var nýbyrjaður að draga veggina samað að ofanverðu kom húsbóndi hans í heimsókn. Sá hann þá strax í hendi sér að fullhlaðin yrði borgin hærri en kirkjuturninn á Kálfatjarnarkirkju og tilkomumeiri í alla staði. Reiddist hann Guðmundi og lagði brátt bann við fyrirætlan hans. En þá fauk í Guðmund svo hann hljóp frá verkinu eins og það var og hefur ekki verið hreyft við borginni síðan. Staðarborg var friðlýst sem forminjar árið 1951

Saga og menning
21.36 km
Kálfatjörn
Bær, kirkjustaður og áður prestsetur á Vatnsleysuströnd. Prestasetur var þar til 1907 er sóknin var lögð niður til Garða á Álftanesi. Á Kálfatjörn var kirkja helguð Pétri postula á kaþólskum sið. Núverandi kirkja var reist árið 1892-1893 og vígð 11. júní 1893. Kirkjan er byggð úr timbri, járni varin steinhlöðnum grunni. Kirkjan tekur 150 manns í sæti á báðum gólfum. Kálfatjarnarkikirkja tilheyrir Tjarnarprestkalli í dag.

Náttúra
24.96 km
Höskuldarvellir

Grasslétta í hrauninu vestur af Trölladyngju og Grænudyngju á Reykjanesskaga. Þangað liggur farvegur frá læk sem kemur úr Soginu sunnan Trölladyngju. Mun hann renna niður á vellina í leysingum og hefur myndað þá með framburði sínum. Höskuldarvellir munu vera stærsta samfellda graslendi í Gullbringusýslu, um 100ha. Tilvalið er að hefja göngu á Keili af bílastæðinu við Höskuldarvelli.

Náttúra
18.79 km
Kúagerði

Grasblettur við tjörn við gamla veginn í suðurjarði Afstapahrauns upp af Vatnsleysuvík. Þar var kunnur áningarstaður fyrrum og kúahagi frá Vatnsleysujörðum. Reykjanesbrautin liggum um blettin þveran. Þar var samneft býli um skeið. Við Kúagerði hefur verið reist varða með krossi á til minningar um þá sem látist hafa í umferðarslysum á þessum stað Reykjanesbrautarinnar.

Aðrir

Hey Iceland
Hótel
  • Síðumúli 2
  • 108 Reykjavík
  • 570-2700
Domino's Pizza
Heimsending
  • Skógarlind 2
  • 200 Kópavogur
  • 581-2345
Mai Thai Bistro
Veitingahús
  • Laugavegur 116
  • 101 Reykjavík
  • 581-1440
Domino's Pizza
Heimsending
  • Flatahraun 13
  • 220 Hafnarfjörður
  • 581-2345

Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík