Leita
Finnur þú það ekki? Prófaðu leitina :)

Námskeið - Markaðsstarf með áherslu á upplifanir og netið

Vilt þú skapa þínu fyrirtæki sérstöðu?
Á námskeiðinu „Markaðsstarf með áherslu á upplifanir og netið“ fer Guðmundur Arnar Guðmundsson, markaðsstjóri Nova, yfir hvernig fyrirtæki geta skapað sér sérstöðu á markaði með sterkri, jákvæðri og einstakri upplifun fyrir sína viðskiptavini.

Á námskeiðinu, sem haldið er í samstarfi við Íslandsstofu, verður einnig fjallað um hvernig leitarvélar, samfélagsmiðlar, ePR/veirumarkaðssetning, vefborðar og tölvupóstar geta hjálpað fyrirtækjum að auka sölu og hámarka árangur markaðsstarfsins.

Dæmisögur frá íslenskum og erlendum fyrirtækjum sem hafa náð góðum árangri verða skoðaðar og farið yfir hvaða lærdóm megi draga af þeim.

Að námskeiði loknu eiga þátttakendur að geta mótað markaðsstefnu og hafa öðlast skilning á hvernig unnt er að ná hámarksárangri með markaðssamskiptaleiðum netsins og skapa aðgreiningu með upplifun.

Næstu námskeið:

Reykjanesbær, 10. maí kl. 18-22
Markaðsstofu Reykjaness og Heklan, Atvinnuþróunarfélag Suðurnesja - Eldey, Grænásbraut 506.

Verð: 19.900 kr. per. þátttakanda. Innifalið eru kaffiveitingar ásamt námskeiðsgögnum
Smellið hér til að sjá greiðsluskilmála

Dagskrá:

- Breytingar á markaðinum, ný trend og kauphegðun í breyttum heimi.
- Hvernig sköpum við okkur sérstöðu/aðgreiningu og setjum saman markaðsstefnu sem heillar viðskiptavini?
- Kynning á einföldum tólum sem hjálpa fyrirtækjum að skapa einstakar upplifanir fyrir sína viðskiptavini, en þær auka tryggð og laða að nýja viðskiptavini.
- Hvernig virkjum við starfsfólk með okkur?
- Hvernig getur aðgreining með upplifun hjálpað okkur að ná árangri með markaðssetningu á netinu?
- Markaðssetning með Google, Facebook og öðrum samfélagsmiðlum, vefborðum, ePR/veirumarkaðssetning og tölvupóstum.

Þátttakendur fá:

- 4 klst. hagnýtt markaðsnámskeið
- Rafræna útgáfu af bókinni Markaðssetning á netinu
- Hefti með völdum praktískum markaðsfræðigreinum um upplifanir, markaðsmál og markaðssetningu á netinu
- Skapalón fyrir markaðsáætlun

Fyrir hverja

Framkvæmdastjóra, markaðsstjóra, vörumerkjastjóra og aðra stjórnendur jafnt sem starfsmenn sem koma að stjórnun markaðsmála í bæði litlum og stórum fyrirtækjum.

Kennari

Guðmundur Arnar Guðmundsson

Guðmundur Arnar Guðmundsson er markaðsstjóri Nova og kennir markaðsfræði og vörumerkjastjórnun við Háskólann í Reykjavík. Hann hefur gegnt stjórnarformennsku ÍMARK og er annar höfundur bókarinnar Markaðssetning á netinu. Guðmundur er hagfræðingur að mennt, er með MBA í markaðsfræðum og hefur víðtæka reynslu af markaðsmálum og uppbyggingu vörumerkja.

Áður hefur Guðmundur starfað sem markaðsstjóri WOW air, markaðsstjóri Icelandair í Bretlandi og sem vörumerkjastjóri Icelandair á Íslandi.

SKRÁ MIG Á NÁMSKEIÐ

Allar nánari upplýsingar um námskeiðið veitir Guðmundur Arnar Guðmundsson, gudmundurg@ru.is.


Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík