Leita
Finnur þú það ekki? Prófaðu leitina :)

Nýsköpunar- og hvatningarverðlaun ferðaþjónustunnar á Reykjanesi 2017

Nýsköpunar- og hvatningarverðlaun ferðaþjónustunnar á Reykjanesi 2017
Frá afhendingu viðurkenninga 2016. Reynir Sveinsson og Mireya Samper - Mynd: vf.is

Óskað eftir tilnefningum til nýsköpunar- og hvatningarverðlauna ferðaþjónustunnar á Reykjanesi 2017

Annað árið í röð munu Markaðsstofa Reykjaness og Reykjanes UNESCO Global Geopark veita tvenn verðlaun til einstaklings eða fyrirtækis sem starfar í ferðaþjónustu á Reykjanesi. Annars vegar sérstök hvatningarverðlaun fyrir nýsköpun í ferðaþjónustu en hins vegar verðlaun fyrir vel unnin störf innan greinarinnar.

Í fyrra fengu listahátíðin Ferskir vindar í Garði Hvatningarverðlaun ferðaþjónustunnar á Reykjanesi og Reynir Sveinsson leiðsögumaður og ljósmyndari úr Sandgerði hlaut Þakkarverðlaun ferðaþjónustunnar.

Óskað eftir tilnefningum til umræddra verðlauna. Tilnefningum ásamt stuttum rökstuðningi skal skilað á netfangið thura@visitreykjanes.is eða eggert@reykjanesgeopark.is fyrir 19. janúar nk.

Verðlaunin verða afhent fimmtudaginn 16. febrúar nk. á opnum morgunverðarfundi um ferðaþjónustu og markaðssetningu á vegum Markaðsstofu Reykjaness og Reykjanes UNESCO Global Geopark.


Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík