Leita
Finnur þú það ekki? Prófaðu leitina :)

ÓSKAÐ ER EFTIR TILNEFNINGUM TIL VIÐURKENNINGA FERÐAÞJÓNUSTUNNAR Á REYKJANESI 2019

ÓSKAÐ ER EFTIR TILNEFNINGUM TIL VIÐURKENNINGA FERÐAÞJÓNUSTUNNAR Á REYKJANESI 2019
Eigendur Hótel Keflavík hlutu þakkarverðlaun á síðasta vetrarfundi.

Líkt og undanfarin ár munu Markaðsstofa Reykjaness og Reykjanes UNESCO Global Geopark veita viðurkenningar til einstaklings eða fyrirtækis sem starfa í ferðaþjónustu á Reykjanesi. Annars vegar eru veitt sérstök hvatningarverðlaun fyrir nýsköpun í ferðaþjónustu og hins vegar viðurkenning fyrir vel unnin störf innan greinarinnar á svæðinu.

Óskað er eftir tilnefningum til umræddra viðurkenninga. Tilnefningum ásamt stuttum rökstuðningi skal skilað á netfangið markadsstofa@visitreykjanes.is fyrir 4. febrúar n.k. 

Viðurkenningarnar verða afhentar á Vetrarfundi ferðaþjónustunnar á Reykjanesi sem fram fer í mars. Dagsetning og dagskrá fundarins verða tilkynnt fljótlega.

Viðurkenningarnar hafa verið veittar síðustu þrjú ár og hafa þessir einstaklingar, fyrirtæki og verkefni orðið fyrir valinu:

Þakkarverðlaun ferðaþjónustunnar á Reykjanesi

2018: Hótel Keflavík, Reykjanesbæ

2017: Johan D Jónsson, Reykjanesbæ

2016: Reynir Sveinsson, Sandgerði

Nýsköpunar- og hvatningarverðlaun ferðaþjónustunnar á Reykjanesi

2018: Duus safnahús, Reykjanesbæ

2017: Veitingastaðurinn Vitinn og Rannsóknarsetur Háskóla Íslands á Suðurnesjum

2016: Listahátíðin Ferskir vindar í Garði


Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík