Leita
Finnur þú það ekki? Prófaðu leitina :)

Fjölmenni á frábærum íbúafundi í Vogum

Hann var vel sóttur íbúafundurinn um ferðamál fór fram í Vogum í gærkvöldi. Þar mættu fulltrúar frá Markaðsstofu Reykjaness og Reykjanes Unesco Global Geopark og kynntu starfsemi sína fyrir bæjarbúum. Ásgeir Eiríksson bæjarstjóri tók einnig til máls á fundinum en hann talaði um mikla möguleika sveitafélagsins í náinni framtíð, sér í lagi hvað varðar staðsetningu Voga en búist er við talsverðri íbúafjölgun og miklum uppgangi í bænum á næstu misserum. Gestir fundarins tóku virkan þátt í spjalli í lok erinda og sköpuðust líflegar umræður.

Ferðamál eru heimafólki greinilega hugleikin því sjá mátti á fundinum að fólk úr öðrum sveitafélögum á Suðurnesjum gerði sér ferð í Vogana til þess að kynna sér málin og leggja orð í belg.
 
Samskonar fundir fara fram í Grindavík og Reykjanesbæ í dag en upplýsingar um þá má nálgast hér.
 
Fundinum var streymt á vef Voga TV en hann má nálgast í heild sinni með því að smella hér.
 

 

Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík