Leita
Finnur þú það ekki? Prófaðu leitina :)

Heimsklassa öldur á Reykjanesi - í aðalhlutverki hjá Red Bull

Heimsklassa öldur á Reykjanesi - í aðalhlutverki hjá Red Bull
Surfarar virða fyrir sér Karlinn.

Brimbrettakapparnir Elli Þór og Heiðar Logi fengu á dögunum til sín góða gesti í þeim tilgangi að eltast við öflugustu öldur landins. Um var að ræða kunna brimbrettamenn frá Ástralíu, Bandaríkjunum, Spáni og Írlandi en með í för var myndatökuteymi frá Red Bull orkudrykkjaframleiðandanum. Úr varð glæsilegt myndband þar sem Reykjanesið kemur talsvert við sögu. Red Bull heldur úti Youtube síðu þar sem milljónir manna hafa horft á myndbönd frá öllum heimshornum. Íslandsförina má skoða hér í meðfylgjandi myndbandi.



Þeir Elli og Heiðar eru þekktustu brimbrettaiðkenndur landsins og eru að öðrum ólöstuðum talsmenn íþróttarinnar hérlendis. Þeir eru duglegir að mynda og miðla frá sportinu og eru þeir tíðir gestir á Reykjanesi sem er vinsæll staður til þess að surfa, eins og það kallast.

Heiðar Logi og Elli Þór með Festarfjall í baksýn. (skjáskot úr myndbandinu)

Valahnúkamöl og Karlinn eru orðin ansi vinsæl myndefni. skjáskot úr myndbandinu)


Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík