Leita
Finnur þú það ekki? Prófaðu leitina :)

Hvað er svona merkilegt við mig?

Hvað er svona merkilegt við mig?
Sváfnir og Krisján

Þriðjudaginn 10. nóvember munu fulltrúar H:N markaðssamskipta mæta á Reykjanesið vera með hádegiserindi um mikilvægi almannatengsla í markaðsstarfi.

Fyrirlesarar dagsins verða Sváfnir Sigurðarson og Kristján Hjálmarsson, almanna- og viðskiptatenglar á H:N Markaðssamskiptum. Sváfnir hefur áralanga þekkingu af markaðs- og almannatengslum. Hann hefur meðal annars starfað sem markaðsstjóri Sinfóníuhljómsveitar Íslands og Borgarleikhússins. Kristján starfaði á Fréttablaðinu og Vísi.is í um 14 ára skeið, þar af sem fréttastjóri í sjö ár.

H:N Markaðssamskipti hlutu Lúðurinn, íslensku markaðsverðlaunin, á síðasta ári fyrir árangursríkustu herferðina. Herferðin var unnin fyrir SÍBS og byggði að miklu leyti á almannatengslum.

Erindið fer fram milli kl. 12 og 13 í Frumkvöðlasetrinu Eldey á Ásbrú í Reykjanesbæ. Veitingar verða í boði fyrir fundarmenn frá Hjá Höllu í Grindavík. Áhugasamir eru vinsamlegast beðnir um að skrá þátttöku hér fyrir kl. 16.00, mánudaginn 9. nóvember.

Allir eru hjartanlega velkomnir! 


Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík