Reykjanes Geopark
Vestfirðir Vesturland Norðurland Austurland Suðurland Reykjanes Höfuðborgarsvæðið
Leita
Finnur þú það ekki? Prófaðu leitina :)

Jarðhræringar og útivist á Reykjanesi

Jarðhræringar og útivist á Reykjanesi
Keilir - mynd: Þráinn Kolbeinsson

Í dag, miðvikudaginn 24. febrúar, urðu nokkrir stórir skjálftar á Reykjanesskaganum og fjöldi smærri skjálfta hafa fylgt þeim. Fleiri skjálftar geta orðið á svæðinu og því er brínt að fara að öllu með gát þegar farið er um svæðið. 

Reykjanesið er jarðfræðilega lifandi svæði og spennandi fyrir áhugasama að skoða sig um og kanna vegsummerki slíkra atburða. Þessum atburðum getur hins vegar fylgt ákveðin hætta eins og reynslan hefur sýnt og því mikilvægt að fara varlega og fylgja tilmælum og fyrirmælum yfirvalda.

Gróthrun getur átt sér stað í fjallendi og við klettaveggi. Vinsamlegast gætið varúðar og verið ekki á ferð á þeim svæðum þar sem slíkt getur átt sér stað. Þá er jafnframt mikilvægt að fylgja merktum stígum og gönguleiðum á undirlendinu, í og við jarðhitasvæðin, þar sem nýjar sprungur geta gert var við sig. 

Frekari upplýsingar má finna inn á vef almannavarna:
- viðbrögð við jarðskjálftum
- tillkynningar og fréttir frá almannavörnum (fréttir og tilkynningar koma einnig þar inn á ensku og pólsku)


Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík