Leita
Finnur þú það ekki? Prófaðu leitina :)

Nýsköpunar- og hvatningarverðlaun ferðaþjónustunnar á Reykjanesi

Nýsköpunar- og hvatningarverðlaun ferðaþjónustunnar á Reykjanesi
Við Krísuvíkurbjarg í kvöldsólinni

Markaðsstofa Reykjaness og Reykjanes UNESCO Global Geopark hafa ákveðið að veita árlega tvenn verðlaun til einstaklings eða fyrirtækis sem starfar í ferðaþjónustu á Reykjanesi. Annars vegar sérstök hvatningarverðlaun fyrir nýsköpun í ferðaþjónustu en hins vegar verðlaun fyrir vel unnin störf innan greinarinnar.

Óskað eftir tilnefningum til umræddra verðlauna. Tilnefningum ásamt stuttum rökstuðningi skal skilað á netfangið thura@visitreykjanes.is eða eggert@reykjanesgeopark.is fyrir 17. febrúar nk. 
 
Verðlaunin verða afhent miðvikudaginn 2. mars nk. á opnum morgunverðarfundi um ferðaþjónustu og markaðssetningu á vegum Markaðsstofu Reykjaness og Reykjanes UNESCO Global Geopark.

Allar frekari upplýsingar um þessi verðlaun má nálgast hjá Eggerti S. Jónssyni, eggert@reykjanesgeopark.is eða Þuríði Aradóttur, thura@visitreykjanes.is


Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík