Leita
Finnur þú það ekki? Prófaðu leitina :)

Óskað er eftir tilnefningum til viðurkenninga ferðaþjónustunnar á Reykjanesi 2018

Líkt og undanfarin tvö ár munu Markaðsstofa Reykjaness og Reykjanes UNESCO Global Geopark veita viðurkenningar til einstaklings eða fyrirtækis sem starfa í ferðaþjónustu á Reykjanesi. Annars vegar sérstök hvatningarverðlaun fyrir nýsköpun í ferðaþjónustu en hins vegar viðurkenning fyrir vel unnin störf innan greinarinnar á svæðinu.

Óskað eftir tilnefningum til umræddra viðurkenninga. Tilnefningum ásamt stuttum rökstuðningi skal skilað á netfangið thura@visitreykjanes.is eða eggert@reykjanesgeopark.is fyrir 29. janúar nk.

Viðurkenningarnar verða afhentar fimmtudaginn 15. mars nk. á Vetrarfundi ferðaþjónustunnar á Reykjanesi. Fundurinn verður haldinn kl. 8.30-10.30 í Hljómahöll í Reykjanesbæ.

Viðurkenningarnar hafa verið veittar síðustu tvö ár og hafa þessir einstaklingar, fyrirtæki og verkefni orðið fyrir valinu:

Þakkarverðlaun ferðaþjónustunnar á Reykjanesi

2017: Johan D Jónsson, Reykjanesbæ

2016: Reynir Sveinsson, Sandgerði

Nýsköpunar- og hvatningarverðlaun ferðaþjónustunnar á Reykjanesi

2017: Veitingastaðurinn Vitinn og Rannsóknarsetur Háskóla Íslands á Suðurnesjum

2016: Listahátíðin Ferskir vindar í Garði


Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík