Leita
Finnur þú það ekki? Prófaðu leitina :)

Reykjanes leiðir útgáfu bókar um norræna jarðvanga - Allir jarðvangar Evrópu hittust í Þýskalandi

Reykjanes leiðir útgáfu bókar um norræna jarðvanga - Allir jarðvangar Evrópu hittust í Þýskalandi
Frá vinstri: Daníel Einarsson forstöðumaður Reykjanes Geopark og Þuríður Aradóttir Braun forstöðumaður Markaðsstofu Reykjaness, ásamt fulltrúum Katla Geopark

Fulltrúar Reykjanes Unesco Global Geopark og Markaðsstofu Reykjaness sóttu í síðustu viku alþjóðlega ráðstefnu í Aalen í Þýskalandi þar sem komu saman fulltrúar frá  70 jarðvöngum í Evrópu. Jarðvangarnir koma saman til þess að fara yfir sameiginleg verkefni og huga að framtíðarþróun þeirra.

„Fundurinn var góður vettvangur fyrir mig til þess að kynnast hugmyndafræðinni og starfinu betur. Einnig til þess að mynda tengsl við forsvarsmenn annara jarðvanga, sem er mikilvægur hluti starfs jarðvanga. Þarna verða til samstarfsverkefni og hugmyndir sem efla stöðu og starf jarðvanganna,“ segir Daníel Einarsson forstöðumaður Reykjanes Unesco Global Geopark.

Norræn nefnd jarðvanga kom þarna saman en Daníel fer með forystu þess hóps sem stefnir að útgáfu bókar um jarðvanga á Norðurlöndunum í sumar.

 

 


Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík