Leita
Finnur þú það ekki? Prófaðu leitina :)

Þeir settu svip á bæinn – Skátafélagið Heiðabúar 80 ára

Skátafélagið Heiðabúar fagnar 80 ára afmæli í september næstkomandi að því tilefni verður opnuð sýningin Þau settu svip á bæinn föstudag 9. júní kl.18 í Byggðasafni Reykjanesbæjar Duushúsum.

 Á sýningunni verða ýmsir munir til sýnis, farið verður yfir sögu skátafélagsins og stiklað á stóru. Skátafélagið Heiðabúar var stofnað 15. september árið 1937 og aðalhvatamaður þess var Helgi S. Jónsson. Saga Heiðabúa er merkileg í skátasögunni vegna þess að í því félagi sameinast í fyrsta sinn í heiminum drengir og stúlkur í einu félagi. Heiðabúar hafa orðið þeirra gæfu aðnjótandi að þar hafa menn ekki gert aðeins stuttan stans heldur hafa þó nokkrir sinnt þörfum félagsins í mörg ár, sumir alla ævi.

Skátahreyfingin er alþjóðlegt þjónustuafl stofnað af Lord Baden Powell árið 1907. Hans hugsjón var að skapa hreyfingu sem stuðlaði að líkamlegum og andlegum þroska barna og unglinga svo þau gætu tekið þátt í samfélaginu. Skátastarfið og skátaandinn vinna eftir þaulreyndum starfsaðferðum  og leitast við að skapa börnum og unglingum ánægjulega og þroskandi tómstundaiðju. Skátahugsjónin haslaði sér völl hér á Íslandi snemma á þessari öld og rætur hennar liggja djúpt í mörgum bæjum víða um land. Heiðabúar hafa ávallt sett svip á bæinn með virkri þátttöku í öllum helstu viðburðum bæjarins s.s. sumardaginn fyrsta, 17. júní, Ljósanótt, sumarstarfi fyrir börn, áramótum.

Sunnudaginn 11. júní frá kl. 14-16 mun félagið bjóða upp á skátasmiðjur þar sem verður hægt að læra tálgun, leðurgerð, hnúta og að skapa sinn eigin fána. Sýningin stendur til 20. ágúst og er opin alla daga 12-17. Allir velkomnir.

 

Nánari upplýsingar veita Sigrún Ásta Jónsdóttir forstöðumaður Byggaðsafns Reykjanesbæjars í síma 8656160 og Gunnhildur Þórðardóttir sýningarstjóri síma 8983419.


Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík