Leita
Finnur þú það ekki? Prófaðu leitina :)

Guide to Iceland ehf.

Guide to Iceland er samstarfsvettvangur íslenskra ferðaþjónustuaðila, en á vefsíðunni guidetoiceland.is má nálgast alla íslenska ferðaþjónustu á einum stað, undir fullri verðvernd. Auk þess að vera opinber samstarfsaðili Reykjavíkurborgar í Upplýsingamiðstöð ferðamanna, þjónustar Guide to Iceland yfir 1000 fyrirtæki í íslenskum ferðaiðnaði, sem nýta sér vefgáttina til að koma vörum sínum og þjónustu á framfæri. Vefgáttin fær nær milljón heimsóknir á mánuði og er aðgengileg á átta tungumálum. Auk ævintýra- og skoðunarferða býður Guide to Iceland upp á stærsta bílaleiguvef landsins og sérhæfir sig í aðstoð og uppsetningu á pakkaferðum, bæði með og án leiðsagnar.

Vefsíða Guide to Iceland er einnig upplýsingaveita fyrir ferðamenn. Síðan státar af yfir 1000 greinum um ferðamennsku og Ísland sem áfangastað, ásamt miklu magni upplýsinga um land og þjóð; hún veitir ferðamönnum möguleikann á að velja úr fjölda ferða, veita stjörnugjöf og skrifa umsagnir um hvern ferðaþjónustuaðila fyrir sig, sem stuðlar að beinu og óháðu gæðamati. Einnig gefur síðan ferðafólki færi á að hanna draumaferðina sína á öruggan og hagkvæman máta með aðstoð greina og upplýsinga-og við erum auðvitað innan handar og veitum alla þá persónulegu aðstoð sem þarf hverju sinni. Að auki gefst erlendum gestum færi á að eiga í beinum samskiptum við heimamenn, sem geta skráð sig inn á síðuna, aðstoðað ferðafólk og gefið góð ráð um hvern landshluta fyrir sig.

Á GuideToIceland.is getur þú kynnt þér ferðir, bílaleigur og gistingimöguleika og lesið þig til um allt milli himins og jarðar sem við kemur Landinu Bláa.

Guide to Iceland ehf.

Borgartún 29

GPS punktar N64° 8' 46.301" W21° 53' 57.689"
Sími

519-7999

Opnunartími Allt árið
Vakinn vottun VAKINN er opinbert gæða- og umhverfiskerfi ferðaþjónustunar. Smelltu til að lesa meira

Guide to Iceland ehf. - ferðaupplýsingar

Úr gagnagrunni Ferðamálastofu Íslands

Aðrir

Hey Iceland
Hótel
  • Síðumúli 2
  • 108 Reykjavík
  • 570-2700
Búngaló
Sumarhús
  • Borgartún 29
  • 105 Reykjavík
  • 445-4444
Náttúra
24.24 km
Hvassahraunkatlar

Áhugaverð hraundrýli í hrauni úr Hrútagjárdyngju. Þau myndast jafnan við öflugt gasútstreymi nálægt eldgíg en í þessu tilviki um 10 km frá dyngjuhvirflinum.

Hraun hefur runnið mest í norður og er allt milli Vatnsleysuvíkur austur að Hvaleyrarholti og að Kaldárseli.

Staðsetning: Af Krýsuvíkurvegi (42) liggur Djúpavantsleið. Finna má skilti við þann veg sem vísar leiðina.

Hvassahraunskatlar eru áfangastaður (e. geosite) í Reykjanes Unesco Global Geopark.

Náttúra
20.41 km
Almenningur

Hraunspilda sem hefur runnið úr Hrútagjárdyngju fyrir um 7.000 árum. Er dyngjan nyrst í Móhálsadalnum sem er dalur milli Sveifluháls og Núpshlíðarháls. Var þar fyrrum skógi vaxið en han eyddist af höggi og beit.

Síðan um aldamót 19. og 20 . aldar hefur hraunið lítið verið breitt enda hefur það gróið nokkuð á ný. Á Almenningi er einn hinna mörgu Gvendarbrunna, við gamla veginn. Almenningsnafnið mun dregið af því að þar var sameiginlegt beitiland Hraunbæjanna. Mjög nálægt Reykjanesbrautinni sunnan megin eru hinir sérkennilegu Hvassahraunskatlar. Þeir eru nokkurs konar strompar sem gas og gufur komu upp um þegar hraunið rann.

Staðsetning: Milli Kappeluhraun og Afstapahraun á Vatnsleysuströnd.

Náttúra
16.95 km
Kapelluhraun

Úfið og gróðursnautt hraun milli Hafnarfjarðar og Staums. Talið er að það hafi runnið snemma á sögulegum tíma. Í hrauninu, sunnan við Reykjanesbrautina á móti álverinu í Staumsvík er lítið byrgi, hlaðið úr hraungrýti og nefnist kapella. Árið 1950 fannst þar við uppgröft lítið líkneski heilagrar Barböru og eru líkur til að þarna hafi verið bænastaður í kaþólskum sið. Á síðustu árum hefur mikið efni verið tekið úr hrauninu til uppfyllingar í húsgrunna og götur á Stór- Reykjavíkursvæðinu og það sléttað. Hraunhóllinn með kapellunni hefur verið látinn ósnortinn og er hún fiðlýst

Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík