Leita
Finnur þú það ekki? Prófaðu leitina :)

Suðurnesjabær

Þann 10. júní 2018 varð sveitarfélagið Suðurnesjabær til eftir sameiningu Sandgerðis og Garðs. Kosið var um þrjár tillögur og voru niðurstöður þær að Suðurnesjabær fékk 75,3% atkvæða, Sveitarfélagið Miðgarðar hlaut 17,1% atkvæða og Heiðarbyggð 6%. Samanlagður íbúafjöldi Suðurnesjabæjar var 3.588 þann 1. janúar 2020 samkvæmt tölum Hagstofu Íslands. Það gerir sveitarfélagið annað stærsta á Suðurnesjum á eftir Reykjanesbæ.

Sandgerði:
Sandgerðisbær (áður Miðneshreppur) er sveitarfélag á utanverðum Reykjanesskaga. Nær hann yfir alla vesturströnd Miðness (Rosmhvalaness), allt út að Garðskaga.
Miðneshreppur var stofnaður árið 1886 þegar Rosmhvalaneshreppi var skipt í tvennt eftir endilöngu nesinu. Hélt hinn hlutinn gamla nafninu áfram en hann náði yfir byggðirnar innan megin á nesinu: Garð, Leiru og Keflavík. Miðneshreppur fékk kaupstaðarréttindi 3. desember 1990 og nefndist upp frá því Sandgerðisbær.
Íbúar í Sandgerði eru rúmlega 1700 og hefur verið nokkur fjölgun síðustu áratugi. Sjávarútvegur og fiskvinnsla eru helstu atvinnuvegir, einnig iðnaður, verslun og þjónusta í frekar smáum stíl. Allgóð höfn er í Sandgerði og hafa viðamiklar hafnarframkvæmdir átt sér þar stað á seinni hluta 20. aldar. Flugstöð Leifs Eiríkssonar er innan bæjarmarka Sandgerðis.
Sandgerði var upphaflega útvegsjörð í betra lagi og bjuggu þar góðbændur, sem aðallega höfðu fiskinn í sjónum að bústofni. Eins og nafnið gefur til kynna er jarðvegur þarna mjög sendinn og ekki vel fallinn til ræktunar. Sandurinn var að miklu leyti heftur með umfangsmikilli ræktun melgresis og hleðslu mikils sjóvarnargarðs á fyrri hluta 20. aldar.

Garður:
Garðurinn er frábær staður til að njóta útivistar hvort sem um er að ræða gönguferðir, berjatýnslu í móunum, golf, sund eða nestisferð í skrúðgarðinn. Skrúðgarðurinn Bræðraborg við Garðbraut er fallegur og litríkur og sannkallaður ævintýrastaður fyrir börn þar sem felustaðir og fjársjóðir leynast í hverju horni. Garðskagi er sannkölluð náttúruperla en þar er góð aðstaða fyrir tjaldbúa, tjaldvagna og húsbíla. Útsýnið frá Garðskaga er einstakt og fuglalífið sérstaklega fjölbreytt.
 
Suðurnesjabær kort
Sandgerði
gardur_0840.jpg
Suðurnesjabær
GPS punktar N64° 4' 13.690" W22° 39' 0.778"
Póstnúmer

245,246,250,251

Suðurnesjabær - ferðaupplýsingar

Úr gagnagrunni Ferðamálastofu Íslands

Aðrir

Oddný Kristrún Ásgeirsdóttir
Ferðasali dagsferða
  • Holtsgata 48
  • 245 Suðurnesjabær
  • 868-1805
Golfklúbbur Suðurnesja
Golfvellir
  • Hólmsvöllur
  • 250 Suðurnesjabær
  • 421-4100
Golfklúbbur Sandgerðis
Golfvellir
  • Vallarhús
  • 245 Suðurnesjabær
  • 423-7802
Taxi Iceland
Ferðasali dagsferða
  • Vallargata 7
  • 245 Suðurnesjabær
  • 626-3636

Aðrir

Guesthouse Seaside
Gistiheimili
  • Rafnkelsstaðavegur 11
  • 250 Suðurnesjabær
  • 898-8242

Aðrir

Garðskagi - kaffihúsið Flösin
Kaffihús
  • Skógarbraut 100
  • 250 Suðurnesjabær
  • 422-7220, 893-8909
Saga og menning
Útskálakirkja

Kirkjustaður og prestsetur í Garði. Útskálar voru eitt mesta höfuðból á Suðurnesjum ásamt Stóra-Hólmi í Leiru og Kirkjubóli á Miðnesi. Kirkja sú er nú stendur á Útskálum var reist á árunum 1861-1863, timburhús á hlöðnum grunni, með sönglofti, forkirkju og turni og tekur um 200 manns í sæti. Forsmiður var Einar Jónsson frá Brúarhrauni.

1975 var forkirkja stækkuð og komið þar fyrir snyrtiherbergjum, geymslu og skrúðhúsi. Að innan er kirkjan máluð og skreytt af Áka Granz, málarameistara, hann skýrði jafnframt upp gamla skrautmálningu sem nær var horfin.

Kirkjan er af yngri turngerð og er friðuð.

Altaristaflan er eftr erlendan málara og sýnir boðun Maríu, predikunarstóllinn var að öllum líkindum upprunalega í Dómkirkjunni í Reykajvík. Skírnarfonturinn er eftir Ríkharð Jónsson.

Séra Sigurður B. Sívertssen var prestur að Útskálum í tæplega hálfa öld. Hann vann að mörgum framfaramálum s.s. jarðabótum, og húsbyggingum, m.a. lét hann byggja kirkjuna sem nú stendur, en þekktastur er hann fyrir Suðurnesjaannál sem hann skrifaði.

Kirkja hefur líklega verið á Útskálum frá fyrstu tíð, hennar er fyrst getið í kirknaskrá Páls biskups frá um 1200. Þá var kirkja einnig á Kirkjubóli, en þeirrar kirkju er síðast getið í heimildum frá 14. öld. Dýrlingar kirkjunnar í kaþólskri trú voru Pétur postuli og Þorlákur helgi.

Einn hryggilegasti atburður sjóferðarsögu Íslands tengist kirkjunni. Þann 8.mars 1685 fórust 136 á sjó, flestir af Suðurnesjum, um nóttina rak 47 lík á land í Garðinum og var 42 þeirra búin sameiginleg gröf í Útskálakirkjugarði. Það er talið að aldrei hafi jafn margir verið jarðaðir á sama degi frá sömu kirkju á Íslandi.

Hitt og þetta
Sandgerðisdagar

Bæjarhátíðin Sandgerðisdagar er haldin árlega síðustu helgina í ágúst. Aðaláherslan er á að fólk komi saman og skemmti sér á ýmsan hátt og er lögð sérstök áhersla á fjöskylduna. Ýmis konar atriði verða til skemmtunar og er dagskráin þétt setin. Sandgerðisdagar byrja á föstudegi og standa til sunnudags. Mesta vinnu í dagskrána leggja íbúar Sandgerðis sjálfir og er þar af leiðandi mikill hamagangur í öskjunni í vikunni fyrir hátíðina þegar bænum er skipt í 4 litahverfi. Hvert hverfi keppist við að vera með flottustu skreytingarnar. Nýlega var tekið í notkun tjaldstæði í Sandgerði sem er líka sérhannað fyrir húsbíla og hafa einmitt húsbílaeigendur verið stór hluti af gestum Sandgerðisdaga undanfarin ár. Sjá nánar á www.sandgerdi.is

Náttúra
Garðskagi

Inniheldur; Garður, Garður Lighthouse, Sandgerði, Hvalnes og fleira.

Tími: Skiptir máli hvað stoppað er lengi á hverjum áfangastað. Aðeins keyrslan er metin:

Stutt útgáfa: 30 mínútur

Löng: 1 klst.

Frá Keflavíkurflugvelli er farið veg 45 í átt að þorpinu Garður (á fjórhjóladrifnum bíl er hægt að fylgja gömlum slóða með ströndinni.

1) Það eru gamlir slóðar að gömlum fiskirekkum sem enn eru notaðir til að þurrka fisk. Þegar komið er inní þorpið er þar minnisvarði um látna sjómenn. Táknar konu sem býður eftir eiginmanninum að snúa aftur með fisk dagsins.

2) Garðskirkja er vígð 1863 og við hlið hennar er fyrrum prestabústaður er núna námssetur fyrir presti og upplýsingamiðstöð. Slóði hliðinná kirkjunni liggur niður meðfram ströndinni þar sem hægt er að sjá sjávarfugla í þeirra náttúrulegu hýbílum.

3) Garðskagi: Frábær staður til fuglaskoðunnar.Þar eru tveir vitar með frábæru útsýni. Hvít strönd þar sem yfir sumartíman er hægt að spila strandblak.

Byggðasafnið á Garðskaga hefur einstakt samt af gömlum vélum og þar er kaffitería úti með góðu útsýni yfir ströndina svo of má sjá seli og hvali. Þar er líka handverkssala í gamla vitavarðarhúsinu og rólegt tjaldsvæði með salernisaðstöðu.

Við hliðinná Garðskagavita er Skagagarðurinn, hlaðinn veggur en tilgangurinn var að skilja búfénað frá bæjunum Kirkjuból og Útskála.

4) Fimm mínútna akstur er til sjávarþorpsins Sandgerði en þar er að finna Þekkingarsetur Suðurnesja.

Við mælum með alvöru sjávarréttaveislu á Vitanum sem er rótgróin veitingastaður við höfnina.

Frábært tjaldsvæði.

Frá Sangerði er hægt að fara aftur til Kelfavíkur um Sandgerðsveg (429).

En ef meiri tími gefst til er hægt að halda áfram eftir vegi 45.

5) Næsta stopp er Hvalsnes. Þar er falleg kirkja vígð um 1887. Okkar þekkta skáld, Hallgrímur Pétursson var þar klerkur um miðja 17 öld.

6) Á Stafnesi stendur afskaplega fallegur viti.

7) Básendar var mikilvæg sjávarhöfn á 17 og 18 öld þangað til bærinn eyðilagðist í stormi árið 1799.

8) Gálgar - Aftökustaður þar sem þrælar voru hengdir.

Aftur til Keflavíkur á vegi 44

Gott ráð: Í Sandgerði, Garði og Reykjanesbæ eru mjög góðar almenningssundlaugar en þar er tilvalið að slaka á eftir eða á meðan ferðinni stendur.

Vonum að þið hafið haft að gott á Reykjanesinu og munið að merkja myndirnar ykkar #Reykjanes

Saga og menning
Hvalsneskirkja

Hvalsneskirkja, vígð 1887 staðsett á vestanverðu Reykjanesi, kirkja Sandgerðinga.
Ketill Ketilsson stórbóndi í Kotvogi, þáverandi eigandi Hvalsnestorfunnar kostaði kirkjubygginguna. Hvalsneskirkja er byggð úr tillhöggnum steini og var grjótið sótt í klappir í nágrenninu. Um steinsmíði sá Magnús Magnússon og Stefán Egilsson, um tréverk sá Magnús Ólafsson. Allur stórviður hússins var fenginn úr fjörunum í nágrenninu, m.a. súlurnar. Viðamiklar viðgerðir fóru fram árið 1945 undir umsjón Húsameistara ríkisins.

Kirkjan er enn starfandi í dag og rúmar 100 manns.


Kirkjan er friðuð

Altaristaflan er eftirgerð af Dómkirkjutöflunni máluð af Sigurði Guðmundssyni árið 1886 og sýnir hún upprisuna.

Einn merkasti gripur kirkjunnar er legsteinn yfir Steinunni Hallgrímsdóttur sem dó á fjórða ári (1649). Hún var dóttir Hallgríms Péturssonar (1614-1674) mesta sálmaskálds Íslendinga sem þjónaði þá sem prestur í Hvalsnessókn, hans kona var Guðríður Símonardóttir. Hallgrímur Pétursson þjónaði á Hvalsnesi fyrstu prestskaparár sín 1644-1651.

Hella þessi var lengi týnd en fannst 1964 þar sem hún hafði verið notuð í stéttina framan við kirkjuna.

Kirkja hefur liklega verið á Hvalsnesi lengi, hennar er fyrst gerið í kirknaskrá Páls biskubs frá 1200.Hvalsnes var fyrrum prestssetur og útkirkjur í Kirkjuvogi og Innri-Njarðvík. Hvalsnesprestakall var lagt niður 1811 og Hvalsnes- og Kirkjuvogskirkjur lagðar til Útskála. Íbúarnir voru mjög ósáttir við það og var ný kirkja byggð 1820 og var hún timburkirkja. Núverandi kirkja er fyrsta kirkjan sem stendur utan kirkjugarðs. Í kaþólsku tengdust margir dýrlingar kirkjunni, María guðsmóðir, Ólafur helgi, heilög Katrín, Kristur, allir heilagir og hinn helgi kross.

Reykjanes

Þéttbýliskjarnar

Reykjanesið er frekar láglent af náttúrunnar höndum og einkennist landlagið af hraunbreiðum og vogskorinni ströndu. Landslagið hefur haft áhrif á staðsetningu þéttbýla við sjávarsíðuna og mótað samfélag og sögu þess í gegnum aldirnar. Við hvetjum gesti til að kynna sér hvað svæðið hefur uppá að bjóða.

Map Garður Sandgerði Reykjanesbær Vogar Grindavík