Erlendir ferðamenn á Íslandi - niðurstöður könnunar
Ferðamálastofa birti í gær niðurstöður úr könnun meðal erlendra ferðamanna fyrir tímabilið maí til desember 2022.
Í niðurstöðum er farið yfir samsetningu svarenda, atriði sem hafa áhrif á Íslandsferðina og ákvörðunarferlið, dvalarlengd, dreifingu, ferðamáta, afþreyingu og ekki síst álit þeirr á ýmsum þáttum á ferðalagi þeirra um landið.
Í samantektinn kemur fram að flestir gesta sem koma til landsins eru að koma frá Bandaríkjunum, Bretlandi, Þýskalandi og Frakklandi. Helsta ástæða komunnar er að njóta náttúrunnar í fríi. Yfir helmingur svarenda tók ákvörðun um ferðina innan árs frá komunni til landins.
Meðaldvalarlengd svarenda á landinu var 7,6 nætur á þessu tímabili. Flestir heimsóttu höfuðborgarsvæðið (91%) og gistu þar að jafnaði 3,3 nætur. Tveir af hverjum þremur heimsóttu Reykjanesið (66%) sem er fækkun fá árinu áður þegar um 75% heimsóttu svæðið á sama tíma en meðaldvalarlengd jókst úr 0,7 gistináttum (2021) í að jafnaði 1,8 nætur (2022).
Í stuttri samantekt sem hér fylgir eru niðurstöður fyrir alla svarendur settar fram með myndrænum hætti og í töflum.*
Til samanburðar er hægt að vinna hér skýrslu frá árinu 2021 fyrir sama tímabil.