Reykjanes UNESCO jarðvangur hélt mánudaginn 8. desember vinnustofu fyrir kennara á svæðinu sem hluta af innleiðingu UNESCO skóla á Reykjanesi. Fundurinn fór fram í Sandgerðisskóla og safnaði saman fulltrúum frá 10 skólastofnunum til umræðu um áherslur, verkefni og framgang umsóknarferla.

Kennarar á öllum skólastigum á Suðurnesjum vilja nýta náttúru og nærumhverfi mun betur í námi nemenda, en þurfa meiri stuðning til að geta gert það. Þetta kemur fram í þarfagreiningu Reykjanes UNESCO Global Geopark sem unnin var í samstarfi við kennara í tengslum við Nordplus verkefnið Empowering Educators. Þar kemur fram að áhugi á útikennslu er mikill, en hindranir eins og tímaleysi, skortur á efni og aðferðum ásamt þörf fyrir aukna þjálfun takmarka möguleika kennara til að nýta svæðið til fulls í námsstarfi.

Úthlutunarhátíð Uppbyggingarsjóðs Suðurnesja fór fram í Hljómahöll 21. nóvember, þar sem kynnt voru fjölbreytt verkefni sem stuðla að menningu, nýsköpun og samfélagsþróun á svæðinu. Meðal þeirra sem hlutu styrk var Reykjanes jarðvangur, sem fékk 2.700.000 kr. til metnaðarfulls verkefnis sem tengist almyrkvanum 2026. Styrkurinn markar mikilvægt skref í undirbúningi fyrir þennan einstaka náttúruviðburð og mun styðja við bæði fræðslu, listsköpun og samfélagslega þátttöku á Suðurnesjum.

Markaðsstofa Reykjaness tók þátt í World Travel Market (WTM) í London dagana 4.–6. nóvember, einum stærsta og áhrifamesta vettvangi ferðaþjónustunnar á heimsvísu. Þar var Reykjanes kynnt sem heilsársáfangastaður með áherslu á sérstöðu svæðisins, nálægð við flugvöllinn, náttúrutengdar upplifanir og tækifæri sem tengjast almyrkvanum 2026.

Með sterkri samstöðu, framtíðarsýn og trú á eigin samfélag hófst formlega verkefnið Grindavík – Saman í sókn þann 12. nóvember. Á öflugum staðarfundi í Gjánni komu stjórnendur og lykilstarfsmenn frá 21 fyrirtæki saman til að leggja grunn að sameiginlegri vegferð í átt að endurreisn, uppbyggingu og eflingu atvinnulífs í Grindavík.

Mannamót Markaðsstofa landshlutanna verða haldin þann 15. janúar 2026 í Kórnum í Kópavogi.

Lögreglan á Suðurnesjum varar við ferðum fólks inn á gönguleiðir við Fagradalsfjall næstu 48 klukkustundir, vegna mjög óhagstæðrar veðurspár.

A yellow weather warning has been issued for the area, and warnings have been issued against travel or hiking in the mountains.

Winter has arrived, and the first snow has fallen in the mountains on the Reykjanes Peninsula.

Veturinn er genginn í garð og fyrsti snjórinn fallinn í fjöllin á Reykjanesi.

Mikil uppbygging hefur átt sér stað við Reykjanesvita á undanförnum misserum og hefur upplifun gesta á svæðinu tekið stakkaskiptum með tilkomu nýrrar þjónustumiðstöðvar.