Hvað get ég gert?
Áfangastaðurinn Reykjanes er byggður upp í sameiningu. Hér eru leiðir til að taka þátt.
Fyrirtæki í ferðaþjónustu
- Gerast samstarfsfyrirtæki Markaðsstofu Reykjaness og taka þátt í mótun og markaðssetningu áfangastaðarins.
- Nýta skilaboð og ásýnd vörumerkisins Reykjanes í eigin markaðsefni.
- Gerast Geopark-fyrirtæki og miðla sögu og sérstöðu jarðvangsins.
- Sækja fræðslu, til dæmis Menntamorgna ferðaþjónustunnar, og taka þátt í þróunarverkefnum.
- Þróa vörur sem lengja dvöl gesta og dreifa þeim um svæðið og árið.
- Huga að sjálfbærni í rekstri: orkunotkun, úrgangi, innkaupum úr heimabyggð og góðu aðgengi.
Sveitarfélög og stofnanir
- Vinna að uppbyggingu áningarstaða í samræmi við forgangsverkefni áfangastaðaáætlunar og sækja um í Framkvæmdasjóð ferðamannastaða.
- Nýta handbækur og leiðbeiningar um uppbyggingu og merkingar.
- Tengja skipulag, menningar- og atvinnustefnu við áherslur áætlunarinnar.
- Deila gögnum og taka þátt í samstarfshópi um uppbyggingu ferðamannastaða.
Íbúar
- Taka þátt í samráði þegar áætlunin er endurskoðuð og segja hvernig ferðaþjónustu þið viljið.
- Vera gestgjafar – gestrisni er einkennismerki Reykjaness.
- Kynnast eigin heimabyggð og segja öðrum frá.
Hafðu samband við Markaðsstofu Reykjaness á info@visitreykjanes.is eða í síma 420 3288.