Atvinnulífið
Fleiri tækifæri til vöruþróunar og vaxtar, verðmæt atvinnutækifæri og aukin gæði í þjónustu. Fjárhagslegur stöðugleiki leikur lykilhlutverk í sjálfbærni áfangastaðarins.
Framtíðarsýn og markmið
Framtíðarsýn
Reykjanesið er gæðaáfangastaður með sjálfbærni og gæðaferðaþjónustu að leiðarljósi. Hér er ferðaþjónustan rekin, þróuð og byggð upp í sátt við umhverfi og samfélag.
Á Reykjanesi er gott að búa og íbúar eru gestrisnir. Ferðaþjónustan skapar jákvæð hagræn áhrif sem endurspeglast í fjölbreyttri og spennandi þjónustu fyrir íbúa og gesti svæðisins. Svæðið veitir gestum innblástur og jákvæð hughrif sem endurspeglast í aukinni þekkingu og vitund um svæðið.
Meginmarkmið
Við viljum byggja upp og þróa sjálfbæran áfangastað sem eykur ábata og lífsgæði í landshlutanum. Í því felst að:
- gestir upplifi Reykjanesið á jákvæðan hátt, ferðist víðar um svæðið, dvelji lengur og skilji eftir tekjur innan landshlutans
- fjölga tækifærum til vöruþróunar og verðmætra atvinnutækifæra og auka gæði í þjónustu
- vernda, bæta og stýra áningarstöðum þannig að náttúra og lífríki svæðisins fái notið sín til framtíðar
- samfélagið sé stolt af áfangastaðnum, styðji við ferðaþjónustuna og hafi hag af henni
Sjálfbær áfangastaður – fjórar stoðir
Gesturinn
Einstök upplifun umfram væntingar. Ánægðir gestir ferðast víðar um Reykjanesið, dvelja lengur og skila tekjum til svæðisins.
Umhverfið
Náttúran leikur lykilhlutverk. Saman vinnum við að því að vernda, bæta og stýra áningarstöðum svo við getum notið náttúru og lífríkis svæðisins til framtíðar.
Samfélagið
Stolt af áfangastaðnum og býður gesti velkomna. Íbúar styðja við og hafa hag af ferðaþjónustu á svæðinu og gestrisni er okkar einkennismerki.
Heimild: Áfangastaðaáætlun Reykjaness 2024–2027.