Uppbygging

Góður áfangastaður þarf góða innviði. Markviss uppbygging innviða og áningarstaða er mikilvægur hluti af þróun Reykjaness sem áfangastaðar. Markmiðið er að bæta upplifun og öryggi gesta, styðja við atvinnulíf og samfélag og tryggja að uppbygging og nýting taki mið af náttúru, umhverfi og þolmörkum svæðisins.

Uppbyggingin byggir á áherslum Áfangastaðaáætlunar Reykjaness og fer fram í samstarfi sveitarfélaga, ríkis, landeigenda og annarra hagaðila. Með uppbyggingu áningarstaða vinnum við að því að vernda náttúruna, dreifa álagi um svæðið og stuðla að hæglætisferðamennsku.

Uppbygging áningarstaða

Aðgerðaáætlun upplifunarstaða er uppfærð árlega. Hér að neðan eru forgangsverkefni 2024–2027 listuð eftir sveitarfélögum og Reykjanes Geopark, ásamt uppbyggingaráformum.