Markaðsstofa Reykjaness hefur opnað nýtt vefsvæði fyrir Áfangastaðaáætlun Reykjaness 2024–2027. Þar er á einum stað að finna áætlunina sjálfa, áherslur og aðgerðir, uppbyggingarverkefni á svæðinu og fróðleik um þróun ferðaþjónustu á Reykjanesi.

Safnahelgi á Suðurnesjum fer fram dagana 17.–18. október með fjölbreyttri dagskrá fyrir alla fjölskylduna. Frítt er inn á öll söfn og viðburði sem taka þátt og því tilvalið að skipuleggja rúnt um Reykjanes og kynnast menningu og sögu svæðisins.

Menntamorgnar ferðaþjónustunnar fara nú aftur í gang með lækkandi sól en þeir eru opnir og ókeypis fræðsluviðburðir fyrir starfsfólk og stjórnendur í ferðaþjónustu í boði Hæfniseturs ferðaþjónustunnar, Samtaka ferðaþjónustunnar og Markaðsstofa landshlutanna.

Samtök ferðaþjónustunnar, Markaðsstofa Suðurlands og Markaðsstofa Reykjaness boða til opins fundar á Hótel Selfossi fimmtudaginn 15. október kl. 17–19 undir yfirskriftinni Mótvindur – Eru stjórnvöld helsta hindrun ferðaþjónustunnar? Þar verður rætt um boðaðar skatta- og gjaldahækkanir á greinina og þingmenn kjördæmisins sitja fyrir svörum.

Green Footprint partners met in Rome on 7–8 September to review new educational videos and plan the next stages of the project, which encourages young travellers to make a positive contribution to the places they visit.

Samstarfsaðilar Green Footprint verkefnisins hittust í Róm dagana 7.–8. september. Á fundinum var farið yfir ný fræðslumyndbönd og unnið að næstu skrefum verkefnisins sem hvetur ungt fólk til að hafa jákvæð áhrif á staðina sem það heimsækir.

Markaðsstofa Reykjaness kynnti svæðið og Eldfjallaleiðina á Vestnorden í Grænlandi. Í kjölfarið tók við kynnisferð þar sem sjö erlendir ferðaskipuleggjendur fengu að kynnast Reykjanesi, höfuðborgarsvæðinu og Suðurlandi af eigin raun.

Representatives of Reykjanes Geopark attended the EGN conference in Finland in September, presenting projects on education, the 2026 total solar eclipse, regenerative tourism and the community in Grindavík. GeoCamp and Katla Geopark were also represented among the participants from Iceland.

Fulltrúar Reykjanes jarðvangs tóku þátt í EGN-ráðstefnunni í Finnlandi í september og kynntu þar verkefni sem tengjast menntun, sólmyrkvanum 2026, endurnýjandi ferðaþjónustu og samfélaginu í Grindavík. Fulltrúar GeoCamp og Kötlu jarðvangs voru einnig meðal þátttakenda frá Íslandi.