Ferðaskrifstofur

Bláa Lónið var stofn að árið 1992. Sérstaða þess er jarðsjórinn sem er að tveimur þriðju hlutum saltvatn og einum þriðja hluta ferskvatn. Hann finnst á allt að 2000 metra dýpi og er leiddur með lögn frá uppsprettunni að lóninu þar sem gestir geta notið hans og slakað á. Hann er ríkur af steinefnum, kísli og þörungum sem er grunnurinn í öllum húðvörum Bláa Lónsins. National Geographic hefur valið Bláa Lónið sem eitt af 25 undrum veraldar. Bláa Lónið hefur þróast í að vera upplifunarfyrirtæki sem byggir á spa, rannsóknum og þróun, húðvörum, hótelum og veitingum.

Guide to Iceland er íslenskt markaðstorg sem sameinar yfir 1500 íslenska ferðaþjónustuaðila. Á heimasíðunni okkar finnur þú allar upplýsingar um ferðir, bílaleigur og afþreyingu sem henta þínum þörfum. Við búum yfir 9 ára reynslu og leggjum metnað í að bjóða upp á framúrskarandi þjónustu og að upplifun viðskiptavina sé ætíð höfð í fyrirrúmi.   Guide to Iceland hefur hlotið verðlaunin Iceland’s Leading Travel Agency frá World Travel Awards 4 ár í röð, frá 2018-2021. Guide to Iceland hefur einnig hlotið verðlaunin Iceland’s Leading Destination Management Company frá World Travel Awards 2 ár í röð, 2020 og 2021. 

Your Friend In Reykjavik býður upp á gönguferðir & ökuleiðsögn í og út frá Reykjavík og og hefur verið starfandi frá árinu 2015.  Matar, Sögu, Huliðsheima og Bjór & Snafsgöngur eru vinsælustu göngurnar en einnig höfum við boðið hópum upp á sérsniðnar göngur eftir þörfum. Þar að auki er mikil aukning í prívat ökuleiðsögn fyrir fjölskyldur & litla hópa. Allt okkar leiðsögufólk hefur klárað leiðsögunám og / eða eru með mikla reynslu í því að fræða og skemmta okkar gestum. Yfir tvö þúsund fimm stjörnu dómar á síðum eins og Tripadvisor geta borið vitni um að við kunnum okkar fag. Við getum tekið að okkur hluta af hópefli, hvataferðum eða skemmtidagskrá fyrir starfsmenn fyrirtækja eða aðra hópa, allar okkar göngur eru í miðbæ Reykjavíkur og því auðveldlega hægt að sníða skemmtilega gönguferð að dagskránni hverju sinni. Frekari upplýsingar má nálgast á yourfriendinreykjavik.com eða með því að senda okkur tölvupóst á info@yourfriendinreykjavik.com  

Fjallagarpar bjóða upp á einkaferðir um allt land og á hálendi Íslands, bæði dagsferðir og lengri ferðir eftir óskum viðskiptavina. 

2Go Iceland Travel er íslenskt ferðaþjónustufyrirtæki sem sérhæfir sig í einkaferðum, sérsniðnum ferðalögum og ferðum fyrir smærri hópa um Ísland. Frá árinu 2012 höfum við hjálpað ferðamönnum að upplifa Ísland með staðþekkingu, persónulegri þjónustu og sveigjanlegum ferðaáætlunum sem taka mið af áhugasviði, ferðahraða og óskum hvers og eins. Einkaferðir okkar spanna allt frá sígildum leiðum á borð við Gullna hringinn og Suðurströndina til lengri ferða um landið, norðurljósaferða, Snæfellsness og sérsniðinna ferðalaga víðs vegar um Ísland. Í stað þess að fylgja stífri ferðaáætlun gefa einkaferðir okkar gestum svigrúm til að upplifa landið á sínum eigin hraða í fylgd staðkunnugra leiðsögumanna. Reykjanesskagi skipar sérstakan sess hjá okkur. Í teyminu okkar eru leiðsögumenn frá Grindavík og Reykjanesi sem þekkja svæðið af eigin raun – samfélagið, jarðfræðina, landslagið og síbreytilegt umhverfi eldfjallasvæðisins. Frá fyrsta eldgosinu við Fagradalsfjall árið 2021 hafa leiðsögumenn okkar farið með gesti um yngstu eldfjallasvæði Íslands. Undir merkjum Fagradalsfjall Volcano Tours, sem er rekið af 2Go Iceland Travel, bjóðum við upp á leiðsagðar gönguferðir að Fagradalsfjalli, einkaferðir um eldfjallasvæðin og ferðir fyrir smærri hópa um Reykjanesskaga. Leiðsögumenn okkar þekkja gönguleiðirnar og landslagið vel og laga hverja ferð að aðgengi, veðri, aðstæðum á eldfjallasvæðinu og gildandi öryggisleiðbeiningum hverju sinni. Reykjanes hefur þó upp á mun meira að bjóða en eldfjöll. Á svæðinu er að finna eitt áhugaverðasta landslag Íslands og ferðir okkar geta meðal annars tekið gesti um Grindavík, Kleifarvatn, Seltún og fleiri áhugaverða staði á Reykjanesskaga. Þar fléttum við saman stórbrotinni jarðfræði, staðbundnum sögum og innsýn í það sem gerir þennan einstaka hluta Íslands sérstakan. Persónuleg nálgun er kjarninn í starfsemi 2Go Iceland Travel. Við teljum að besta leiðin til að upplifa Ísland felist ekki einfaldlega í því að heimsækja sem flesta staði, heldur að ferðast með fólki sem þekkir landið og getur hjálpað gestum að upplifa það á þeim hraða sem hentar þeim. Hvort sem um er að ræða einkaferð í einn dag, gönguferð að Fagradalsfjalli, fjölskylduferð eða sérsniðið ferðalag um Ísland til nokkurra daga, aðstoðar teymið okkar við að skapa ferð sem tekur mið af þínum óskum.

Reykjavik Excursions – Kynnisferðir bjóða upp á daglegar áætlunarferðir inn á hálendið í Landmannalaugar og Þórsmörk, og einnig að Skógum. Hálendisrútan er tilvalin fyrir þá sem að vilja ganga Laugaveginn eða Fimmvörðuhálsinn eða að gera sér glaðan dag á þessum fallegu svæðum sem ekki eru á færi fólksbíla. Tímatöflur má finna á https://www.re.is/is/highland-bus/ Einnig býður Reykjavik Excursions upp á eitt stærsta úrval dagsferða á Íslandi og má þar nefna hinn heimsfræga gullhring, dagsferð um suðurströndina sem og Snæfellsnesið, að ógleymdum sætaferðum til og frá Bláa lóninu og Leifstöð. www.re.is

GeoCamp Iceland er fræðslu- og ferðaþjónustufyrirtæki sem sérhæfir sig í fræðslutengdum verkefnum og móttöku nemenda- og kennarahópa með áherslu á jarðvísindi, náttúruvísindi, umhverfismál, orkunýtingu og loftslagsbreytingar. GeoCamp Iceland leggur áherslu á virkt samstarf innlendra og erlendra fræðsluaðila við þróun fræðsluefnis, hönnun verkefna í náttúru Íslands fyrir nemendahópa og gerð handbóka fyrir útikennslu, með það að markmiði að efla mennta- og fræðslutengda ferðaþjónustu á Íslandi.