Mikilvægt er að fylgja fyrirmælum og huga að öryggi í og við gosstöðvarnar í Fagradalsfjalli. Hér er hægt að finna upplýsingar sem tengjast öryggismálum, loftgæðum og aðgengismálum á svæðinu.
Lífshættulegt er að stíga út á hraunið. Farið því aldrei út á hraunið.
Lögregla getur án fyrirvara lokað fyrir alla umferð inn að gosstöðvunum.
Mikilvægt er að vera í góðum gönguskólm, hlýjum fatnaði, vind- og vatnsheldu ysta lagi þar sem veður getur breyst skyndilega.
Mikilvægt er að fylgjast með gasmyndun og loftgæðum á svæðinu. Gasmengun sést ekki og fylgir ekki endilega gosmekki á svæðinu og getur aukist skyndilega. Sjá www.loftgaedi.is
Haldið ykkur við hæðir og hryggi, forðist dali og dældir vegna uppsöfnunar á gasi.
Förum ekki með börn (12 ára og yngri) að gosstöðvunum ef hætta er á gasmengun. Ekki er ráðlegt að börn dvelji lengur en 15 mínútur á stað þar sem loftmengun er yfir heilsuverndarmörkum. Leitum upplýsinga um loftgæði á svæðinu áður en gengið er af stað.
Ekker er mælt með að taka hunda á gossvæðið þar sem flúor og gasmengun fer mjög ílla í þá.
Athugið að nýjar gossprungur geta mögulega opnast með litlum fyrirvara.
Fylgist með uppfærðum fréttum.
Heimild: Lögreglustjórinn, Safetravel.is