Kaffihús

Gestastofan við Reykjanesvita er á Suðvesturodda Reykjaness rétt við Reykjanesvita, sem er elsti viti á Íslandi. Þar er kaffihús með fallegu útsýni yfir hafið, sýning um sögu vitanna og vitavarðanna á Reykjanesi og sögusýning í gamla Vélahúsinu um sjóslys á Reykjanesi. Á pallinum við gestastofuna er fræðslusýning sem unnin er í samstarfi við Reykjanes Geopark þar sem lesa má fróðleik um náttúruperlur á Reykjanesi. Kaffihúsið er opið frá 10-17 alla daga á sumrin. Opin salernisaðstaða allan sólarhringinn.

Hjá Höllu er í suðurbyggingu flugvallarins, við C hliðin og því opin öllum hvort sem ferðinni er heitið til Evrópu eða eitthvert annað.  Stutt er í öll brottfararhlið frá þessum stað og því tilvalið að setjast þar niður áður en farið er í flug Við erum með eldofn á staðnum og bjóðum því upp á eldbakaðar pizzur sem tekur örstuttan tíma að útbúa Einnig erum við réttina okkar í kælinum þ.e. samlokur, salöt, djúsa, boosta og margt annað hollt.

Athugið að veitingastaðurinn Hjá Höllu í Grindavík er lokaður. Starfsemin hefur flutt sig um set til Sandgerðis með takmarkaðri þjónustu. Hægt er að fylgast með þjónustuframboði á heimasíðunni þeirra og samfélagsmiðlum. Hjá Höllu er veitingafyrirtæki sem starfrækir tvo veitingastaði, á Keflavíkurflugvelli og í Grindavík. Þar að auki bjóðum við upp á fyrirtækja- og veisluþjónustu.  Okkar áhersla er að bjóða upp á hollan og heimilislegan mat sem kætir alla bragðlauka, ásamt því að veita framúrskarandi og persónulega þjónustu.   Á staðnum okkar í Grindavík erum við með matseðil sem breytist á vikufresti, svo fjölbreytnin er í fararbroddi. Á matseðlinum er margt í boði; ferskur fiskur frá Grindavíkurhöfn, súpa og brauð, vegan- og grænmetisréttir, salöt og samlokur, svo fátt sé nefnt.  Auðvitað er svo alltaf heitt á könnunni hjá okkur og úrval af gómsætum kökum á boðstólum fyrir þá sem vilja sætt með kaffinu. Á hverjum morgni bökum við brauð og útbúum ferska djúsa, bústa, jógúrt og fleira sem má finna í okkar fallega kæli – tilvalið að grípa með sér í ferðalagið.  Opnunartímar: Virkir dagar: 8 – 17 (eldhúsið lokar 15) Laugardagar: 11 – 17 (eldhúsið lokar 16:30) Sunnudagar: Lokað  Hjá Höllu er reglulega með skemmtilega viðburði, eins og kvöldopnanir, pub quiz, bjórkvöld og fleira. Við hvetjum þig til að fylgja okkur á samfélagsmiðlum svo þú missir ekki af. 

Brakandi ferskar samlokur og gæða bakkelsi hefur glatt bæjarbúa í áratugi. Árið 2015 tók Jón Rúnar og Elín eigendur Kökulistar við rekstri Valgeirs bakarís í Reykjanesbæ en bakaríið fagnaði þá 45 ára afmæli það árið. Okkar markmið er að heilla þig með hollum brauðum sem öll eru sykurlaus, fitulaus og gerlaus, en við höfum horfið til fortíðar þegar kemur að brauðbakstri og góðum kökum þar sem við notum eingöngu gæða hráefni. Einstaklega huggulegt er að sitja inni með kafiibolla og góðgæti á disk eða njóta veðurblíðunnar úti þegar sú gula lætur sjá sig. Kökulist fullkomnar sunnudagskaffið eða sem góður biti hvaða dag sem er. líttu við og kíktu á úrvalið.

Veitingastaðurinn Bryggjan Grindavík opnar aftur á laugardaginn, 14. Júní kl. 11.00 en þetta er fyrsta opnun eftir jarðhræringarnar í Grindavík. Fyrirtækið hefur verið lokað frá 10. nóvember 2023 þegar Grindavík var rýmd á einni nóttu. Bryggjan verður opin alla daga vikunar frá 11.00 til 16.00 og mun m.a. bjóða aftur upp á sína heimsfrægu humarsúpu.  Bryggjan er notalegt kaffihús, sem og veitingastaður og lifandi tónlistarstaður, staðsettur á bryggjunni við hliðina á Grindavikarhöfn. 

Take Off Bistro er nýr huggulegur veitingastaður á Konvin hótelinu á Ásbrú. Lagður er metnaður í einfaldan og vandaðann matseðil bæði í hádeginu og á kvöldin.  Matseðilinn, tilboð og upplýsingar má finna inn á heimasíðu staðarins og samfélagsmiðlum.  Happy hour er daglega. Hægt er að bóka borð með því að hafa samband í gegnum miðla staðarins eða á Dineout appinu.

Kaffi Duus var opnað 26. nóvember 1998 sem lítið kaffihús með sæti fyrir um 30 manns en hefur stækkað á undarförnum árum og getur í dag tekið á móti háttí 180 manns. Veitingastaðurinn býður upp á fjölbreyttan og ljúffengan matseðil, frá indverskum sérréttum að hætti kokksins eða ljúffengum sjávarréttum úr gæða hráefni af svæðinu. Húsið er staðsett við gömlu Duus húsin við smábátahöfnina í Keflavík, með frábæru útsýni yfir höfnina að Berginu sem er lýst upp á kvöldin.

Cafe Petite er sætur fjársjóður vel falinn á bak við Hafnargötuna í Reykjanesbæ. Skemmtilegur bar og kaffihús þar sem m.a. má finna þrjú pool borð, spil og skákborð. Frábært úrval af bjór og sætir eftirréttir einnig í boði með kaffinu í afslöppuðu umhverfi.