Þann 12. ágúst 2026 verður almyrkvi á sólu sýnilegur um allan Reykjanesskagann, sem gerir svæðið að einum besta stað á Íslandi til að upplifa þennan einstaka atburð. Lengd almyrkvans á svæðinu er mismunandi eftir staðsetningu – lengst um 1 mínúta og 45 sekúndur á vestari hluta skagans, en um 1 mínúta á austari hluta svæðisins.
Búist er við miklum fjölda gesta og því er mikilvægt að allir – íbúar, fyrirtæki og gestir – hafi aðgang að skýrum og áreiðanlegum upplýsingum.
Á þessari síðu finnur þú meðal annars upplýsingar tengdar almyrkvanum á Reykjanesi. Þar má meðal annars nálgast upplýsingar um:
- Aðgengi, útsýnisstaðir og söfnunarstaðir innabæjar
- Umferð, lokanir og skipulag
- Öryggisráðstafanir og leiðbeiningar
- Þjónustu og aðstöðu á svæðinu
- Framboð frá ferðaþjónustuaðilum og landeigendum
Þá er jafnframt hægt að finna tengla inn á aðrar upplýsingaveitur og samstarfsaðila þar sem finna má ítarlegri og uppfærðar upplýsingar eftir því sem nær dregur viðburðinum.
Almyrkvi á öllum Reykjanesskaganum
Á kortinu hér fyrir neðan getur þú fundið upplýsingar um hvar almyrkvinn verður sýnilegur og hvernig þú getur upplifað hann í þínu nærumhverfi.
Ýttu á stækkunarglerið vinstra megin á kortinu og settu inn heimilisfangið þitt og sjáðu hvort hann sjáist frá heimilinu og í hvaða átt þú átt að horfa. Einnig er hægt að ýta beint á kortið til að staðsetja pinna. Með því móti getur þú fundið út fleiri áhugaverða staði til að skoða almyrkvann.
Kortið er af vefnum solmyrkvi2026.is og getur fengið allar upplýsingar um atburðinn á þeirri síðu.
