Það er ekkert gos í gangi í dag.
Gosið sem hófst 1. apríl síðast liðinn, lauk samdægurs.
Fylgist með uppfærðum upplýsingum hér að neðan.
Gosið þann 1. apríl var 8. gosið á Sundhnúksgígaröðinni frá því í desember 2023, og það 11. frá því að gos hófst í Fagradalsfjalli 2021.
Eldsumbrotin á Reykjanesskaganum eru ekki talin hættuleg gestum svæðisins, svo framarlega að öryggis fyrirmælum sé fylgt. Ekki er ráðlegt að ganga að og um gossvæðið við Sundhnúksgígaröðina. Eldgosin eru á mjög afmörkuðu svæði og hafa ekki áhrif á ferðalög til Íslands eða önnur svæði á Reykjanesskaganum. Gosin hafa eingöngu haft áhrif á nærliggjandi svæði eins og í Grindavík og Svartsengi.
Þegar ekki er gos, þá er svæðið opið gestum og öll þjónusta aðgengileg.
Þegar gos hefst fer af stað ferli sem lokar á ákveðin svæði á sunnan verðum skaganum tímabundið. Hægt er að fylgjast með því í fréttapistlum hér fyrir neðan og allar upplýsingar hér á síðunni koma til með að taka mið af því.
Lykilupplýsingar
Sundhnúksgígaröðin og nærligjandi svæði. Ekki er ráðlegt að ganga umhverfis gosstöðvarner við gígaröðina þar sem jörðin er óstabíl og ekki búið að korleggja sprungur.
Fagradalsfjall. Allar gönguleiðir um og í Fagradalsfjalli eru opnar. Frekari upplýsingar um gönguleiðirnar má finna hér eða í upplýsingapakkanum um gönguleiðir og bílastæði við Fagradalsfjall, hér fyrir neðan.
Grindavík er opinn fyrir gestum og þjónustuaðilar bjóða alla velkomna. Mikilvægt er að fylgja leiðbeiningum um áhugaverða áningastaði í bænum og leiðir.
Bláa lónið er opið fyrir gesti. Mikilvægt er að fylgja leiðbeiningum frá þeim við bókun á miðum og fylgjast með uppfærðum upplýsingum miðað við aðstæður vegna eldgosa.
