Það eru nokkara gönguleiðir að gosinu sem er hægt að velja úr, hér er hægt að finna upplýsingar um gönguleiðirnar og bílastæði.
Athugið að uppplýsingar hafa verið uppfærðar með tilliti til eldgossins sem hófst þann 3. ágúst. Ennþá er hægt að ganga hefðbundnar leiðir um gosstöðvarnar og skoða hraunið og gýginn frá fyrra gosi, en við höfum bætt við upplýsingum og komum til með að uppfæra áfram ef einhverjar breytingar verða á svæðinu.
Leið A er um 6,3 km löng (aðra leið) að nýja eldgosinu í Meradölum frá bílastæði 1 við upphaf gönguleiðar.
Leið C um Langahrygg er 4 km löng sem er hægt að sjá að gamla gígnum í Geldingadölum og eins að nýja gýgnum, en í aðeins meiri fjarlægð en frá leið A.
Leið C í Nátthaga auðveld leið sem er 2 km löng, en gígurinn sjálfur er ekki sýnilegur þaðan.
Leið B er erfiðari yfirferðar en leið A, leiðin er um 3.3 km löng. Þessi leið er mun minna farinn, enda torfarin.
Áður en lagt er af vinsamlegast kíkið á Safetravel.is fyrir öryggis upplýsingar á gosstað.
Björgunarsveitarmenn eru á svæðinu til öryggis og eftirlits frá hádegi alla daga sem stendur. Endilega komið við hjá þeim og fáið upplýsingar og farið að tilmælum ef óskað er eftir því.
Þarf að borga fyrir bílastæði?
Allir gestir eru nú beðnir um að borga 1000kr fyrir hvern bíl í gegnum appið Parka eða á parka.is en miðast er við að gjaldið gildi einn sólarhring í senn.
Hægt er að velja á milli tveggja bílastæða, en velja þarf rétta greiðslusíðu eftir hvar þú leggur:
Greiðslusíða P1 bílastæðis: https://www.parka.is/pay/geldingadalir/
Greiðslusíða P2 bílastæðis (Stóri-Leirdalur): https://www.parka.is/pay/volcanoskali/
Samkvæmt parka.is er gjaldið nauðsynlegt til að standa undir þeirri uppbyggingu sem landeigendur eru búnir að ráðast í bæði til að auðvelda fólki aðgengi og tryggja öryggi. Rafrænt myndavélaeftirlit er hafið á svæðinu þar sem teknar eru myndir af númerplötum bílsins. Ef lagt er án þess að greiða fyrir bílastæði þann daginn bætist við innheimtukostnaður og krafa stofnuð á eiganda ökutækis. Krafan fer í raun ekki út fyrr en daginn eftir, þannig að fólk hefur tíma þegar það kemur upp á hótel o.s.frv. til að borga og skrá bílnúmer.
Fyrir frekari fyrirspurnir varðandi bílastæðin, t.d. ef ekki gengur að borga, má senda póst á fagradalshraun@gmail.com (P1 bílastæði) eða gsteins@hi.is (P2 bílastæði).
