Fréttir

Reykjanes vakti mikinn áhuga meðal gesta á AECO ráðstefnunni í Ósló, þar sem við kynntum svæðið sem áfangastað fyrir skemmtiferðaskip. Góð samtöl sköpuðust um tækifæri á svæðinu og þátttakan gaf færi á að efla tengsl við aðila í greininni.

Kínverskir áhrifavaldar og fjölmiðlafólk kynntust náttúru, nýsköpun og matarupplifun á Reykjanesi í kynnisferð sem efnt var til í tilefni af opnun nýrrar flugleiðar Air China til Íslands.

Opnað hefur verið fyrir skráningar á Mannamót Markaðsstofa landshlutanna sem verða haldin fimmtudaginn 28. janúar 2027 í Kórnum í Kópavog frá kl. 12–17.

Þrír prjónarar frá Reykjanesi taka þátt í nýrri kynningarherferð Visit Iceland, AI Knittakers, þar sem íslenskir prjónarar leysa gervigreind af hólmi og taka að sér að sitja fjarfundi fyrir fólk víðs vegar um heiminn. Herferðin hófst 29. október og stendur bókanleg þjónusta prjónaranna til 20. nóvember.

Að frumkvæði Reykjanes jarðvangs hafa allir ellefu grunnskólar á Reykjanesi nú fengið veglegan snjallsjónauka að gjöf; með stuðningi Sævars Helga Bragasonar og styrk frá bæði Kadeco og atNorth gagnaversins. Verkefnið er liður í fræðsluátaki sem tengist almyrkvanum 12. ágúst 2026 og hefur það að markmiði að efla áhuga barna og ungmenna á stjörnufræði, náttúruvísindum og vísindalegum vinnubrögðum.

Markaðsstofa Reykjaness hefur opnað nýtt vefsvæði fyrir Áfangastaðaáætlun Reykjaness 2024–2027. Þar er á einum stað að finna áætlunina sjálfa, áherslur og aðgerðir, uppbyggingarverkefni á svæðinu og fróðleik um þróun ferðaþjónustu á Reykjanesi.

Safnahelgi á Suðurnesjum fer fram dagana 17.–18. október með fjölbreyttri dagskrá fyrir alla fjölskylduna. Frítt er inn á öll söfn og viðburði sem taka þátt og því tilvalið að skipuleggja rúnt um Reykjanes og kynnast menningu og sögu svæðisins.

Menntamorgnar ferðaþjónustunnar fara nú aftur í gang með lækkandi sól en þeir eru opnir og ókeypis fræðsluviðburðir fyrir starfsfólk og stjórnendur í ferðaþjónustu í boði Hæfniseturs ferðaþjónustunnar, Samtaka ferðaþjónustunnar og Markaðsstofa landshlutanna.

Samtök ferðaþjónustunnar, Markaðsstofa Suðurlands og Markaðsstofa Reykjaness boða til opins fundar á Hótel Selfossi fimmtudaginn 15. október kl. 17–19 undir yfirskriftinni Mótvindur – Eru stjórnvöld helsta hindrun ferðaþjónustunnar? Þar verður rætt um boðaðar skatta- og gjaldahækkanir á greinina og þingmenn kjördæmisins sitja fyrir svörum.