Eldgosið í Geldingadölum er vinsæll áfangastaður og ein vinsælasta gönguleiðin í dag.
Mikilvægt er að kynna sér aðstæður áður en haldið er af stað og hér ættir þú að geta fundið allar helstu upplýsingar.
Safetravel birtir reglulega uppfærslur um opnunartíma og aðstæður á safetravel.is.
Nokkrar vinsælar spurningar og svör:
Er opið að gosstöðvunum?
Það er alltaf opið að gosinu en þar sem veðurfar og aðstæður geta breyst hratt á gossvæðinu gæti þurft að loka svæðinu án fyrirvara. Safetravel.is birtir upplýsingar á hverjum degi um aðstæður á gossvæðinu.
Er leyfilegt að ganga á hrauninu?
Samkvæmt Umhverfisstofnun er ekki leyfilegt að ganga á hrauninu og getur slík hegðun leitt til skemmda og slysa. Hraunið frá eldstöðvunum í Geldingardölum eru einstakar jarðminjar sem við þurfum að bera virðingu fyrir og vernda. Mikilvægt er að kasta ekki grjóti á hraunið, krafsa ekki í það eða skilja eftir sig önnur ummerki. Eldhraun eru undir sérstakri vernd samkvæmt 61. gr laga um náttúruvernd og því er grjótkast upp á hraunið, krafs eða traðk í raun brot á þeirri vernd sem þau eiga að njóta.
Töluverðan tíma getur tekið fyrir hraun að kólna og ennþá er yfirborð og gígar óstöðugir, hrun getur orðið eða sprungur geta myndast. Auk þess má búast við að afgösun hraunsins haldi áfram um einhvern tíma og hættulegar aðstæður myndast þar sem gas getur safnast saman.
Er gosið búið?
Gos hófst að nýju í Merardölum 3. ágúst en virkni lauk þann 22. ágúst, eftir að goslokum í Geldingadölum hafði áður verið lýst yfir þann 18. desember 2021.
Gosið í Geldingadölum markar upphaf nýs gostímabils á Reykjanesi, en það getur staðið yfir í 200-300 ár.
Þarf að borga fyrir bílastæði?
Allir gestir eru nú beðnir um að borga 1000kr fyrir hvern bíl í gegnum appið Parka eða á parka.is en miðast er við að gjaldið gildi einn sólarhring í senn.
Hægt er að velja á milli tveggja bílastæða, en velja þarf rétta greiðslusíðu eftir hvar þú leggur:
Greiðslusíða P1 bílastæðis: https://www.parka.is/pay/geldingadalir/
Greiðslusíða P2 bílastæðis (Stóri-Leirdalur): https://www.parka.is/pay/volcanoskali/
Samkvæmt parka.is er gjaldið nauðsynlegt til að standa undir þeirri uppbyggingu sem landeigendur eru búnir að ráðast í bæði til að auðvelda fólki aðgengi og tryggja öryggi. Rafrænt myndavélaeftirlit er hafið á svæðinu þar sem teknar eru myndir af númerplötum bílsins. Ef lagt er án þess að greiða fyrir bílastæði þann daginn bætist við innheimtukostnaður og krafa stofnuð á eiganda ökutækis. Krafan fer í raun ekki út fyrr en daginn eftir, þannig að fólk hefur tíma þegar það kemur upp á hótel o.s.frv. til að borga og skrá bílnúmer.
Fyrir frekari fyrirspurnir varðandi bílastæðin, t.d. ef ekki gengur að borga, má senda póst á fagradalshraun@gmail.com (P1 bílastæði) eða gsteins@hi.is (P2 bílastæði).
Er hægt að fá leiðsögn að eldgosinu?
Nokkrir ferðaþjónustuaðilar eru að bjóða uppá leiðsögn og ferðir. Skoðaðu hvað þau hafa uppá að bjóða hér.
Mega börn ganga að gosinu?
Þar sem aðstæður hafa breyst og gönguleið A orðin greiðfærari er ekki lengur bannað að fara með börn upp að gosstöðvunum í Meradölum.
Er hægt að leigja hjól?
4x4 adventures Iceland hafa verið að bjóða leigu á rafhjólum sem hægt er að fara upp að gosstöðvum, hægt er að bóka í gegnum síðuna hjá þeim hér
Hvar er eldgosið og hvar byrjar gönguleiðin?
Eldgosið er í Geldingadölum á Reykjanesi. Hér getur þú fundið kort af svæðinu og gönguleiðunum.
Hvar eru bílastæði fyrir þá sem ætla að ganga að eldstöðinni?
Það eru bílastæði aðgengileg á svæðinu, sjá má gönguleiðina og hvar bílastæði eru á hér.
Hvernig á maður að undirbúa sig varðandi útbúnað og klæðnað?
Gönguleiðin getur verið krefjandi og aðstæður misjafnar. Ef ganga á að gosinu Þá er mikilvægt að vera vel búinn og nauðsynlegt er að vera í góðum gönguskóm, hlýjum fatnaði og vatnsheldu ysta lagi.
Er hægt að komast á salerni við gosstöðvarnar?
Ekki eru salerni á svæðinu sem stendur.
Skiptir máli hvernig veðrið er?
Veður skiptir miklu máli og mikilvægt að kynna sér aðstæður hverju sinni. hægt er að fá veðurupplýsingar hér og gasmengunar spá er hægt að sjá hér
