Blogg

Safnahelgi á Suðurnesjum fer fram dagana 17.–18. október með fjölbreyttri dagskrá fyrir alla fjölskylduna. Frítt er inn á öll söfn og viðburði sem taka þátt og því tilvalið að skipuleggja rúnt um Reykjanes og kynnast menningu og sögu svæðisins.

Menntamorgnar ferðaþjónustunnar fara nú aftur í gang með lækkandi sól en þeir eru opnir og ókeypis fræðsluviðburðir fyrir starfsfólk og stjórnendur í ferðaþjónustu í boði Hæfniseturs ferðaþjónustunnar, Samtaka ferðaþjónustunnar og Markaðsstofa landshlutanna.

Samtök ferðaþjónustunnar, Markaðsstofa Suðurlands og Markaðsstofa Reykjaness boða til opins fundar á Hótel Selfossi fimmtudaginn 15. október kl. 17–19 undir yfirskriftinni Mótvindur – Eru stjórnvöld helsta hindrun ferðaþjónustunnar? Þar verður rætt um boðaðar skatta- og gjaldahækkanir á greinina og þingmenn kjördæmisins sitja fyrir svörum.

Samstarfsaðilar Green Footprint verkefnisins hittust í Róm dagana 7.–8. september. Á fundinum var farið yfir ný fræðslumyndbönd og unnið að næstu skrefum verkefnisins sem hvetur ungt fólk til að hafa jákvæð áhrif á staðina sem það heimsækir.

Markaðsstofa Reykjaness kynnti svæðið og Eldfjallaleiðina á Vestnorden í Grænlandi. Í kjölfarið tók við kynnisferð þar sem sjö erlendir ferðaskipuleggjendur fengu að kynnast Reykjanesi, höfuðborgarsvæðinu og Suðurlandi af eigin raun.

Fulltrúar Reykjanes jarðvangs tóku þátt í EGN-ráðstefnunni í Finnlandi í september og kynntu þar verkefni sem tengjast menntun, sólmyrkvanum 2026, endurnýjandi ferðaþjónustu og samfélaginu í Grindavík. Fulltrúar GeoCamp og Kötlu jarðvangs voru einnig meðal þátttakenda frá Íslandi.

Opnað hefur verið fyrir umsóknir í Framkvæmdasjóð ferðamannastaða fyrir árið 2027. Að þessu sinni er sérstök áhersla lögð á uppbyggingu á minna sóttum svæðum og verkefni sem stuðla að lengingu ferðatímabilsins. Umsóknarfrestur er til 27. október kl. 13:00.

Allir ellefu grunnskólar innan Reykjanes jarðvangs fá nú snjallsjónauka að gjöf sem hluta af stærra fræðsluverkefni sem fór af stað í tengslum við almyrkvann á Reykjanesi 12. ágúst síðastliðinn. Markmiðið er að nýta þann mikla áhuga sem almyrkvinn vakti til að efla vísindalæsi og áhuga barna og ungmenna á náttúru, vísindum og undrum alheimsins.

Opið alþjóðlegt vefnámskeið um nærandi ferðaþjónustu 29. september