Reykjanes hlýtur Jarðarverðlaun

Reykjanesið tilnefnt til úrslita sem einn af bestu sjálfbæru áfangastöðum heims. Úrslitin voru kynnt á ferðakaupstefnunni ITB í Berlín.

Bestu sjálfbærustu áfangastaðir heims voru tilkynntir í dag við hátíðlega athöfn á ferðakaupstefnunni ITB í Berlín. Reykjanesskaginn var þar á meðal 33 annarra topp 100 sjálfbærra tilnefndra svæða um allan heim sem voru valin af dómnefnd þar sem í sátu fulltrúar 12 alþjóðlegra samtaka. Dómnefndin valdi bestu svæðin í eftirfarandi flokkum: Bestu borga, samfélaga og menningar, Best í Náttúru, Bestu við sjávarsíðuna, Jarðarverðlaun (fyrir umhverfi og loftslag) og Besta svæði hverrar heimsálfu.  Reykjanesið var tilnefnt til Jarðarverðlauna (Earth Awards) og hlaut þriðja sæti í þeim flokki.

Árangur á Reykjanesi

Á undanförnum árum hefur mikil vinna verið unnin við stefnumótun og uppbyggingu innviða á hjá stoðstofnunum, sveitarfélögum og fyrirtækjum á Reykjanesi. Öll verkefni sveitarfélaganna, Markaðsstofu Reykjaness og Reykjanes Geopark eru í þágu byggðaþróunar og hafa sjálfbærni að meginmarkmiði. Viðurkenningin sýnir mikilvægi þess að standa saman og vinna að sameiginlegum framtíðarmarkmiðum í ferðamálum í sátt við samfélagið.

Top 10 Sjálfbæru áfangastaðir heims

Í lok athafnarinnar voru topp 10 Sjálfbærustu áfangastaðir heims tilkynnir; þeir áfangastaðir sem hafa skarað framúr sem áfangastaðir leiða aðra áfangastaði í átt að gæðum og sjálfbærni í ferðaþjónustu og sem aðlaðandi áfangastaður. Áfangastaðirnir sem hljóta þessa tilnefningu hafa sýnt fram á árangursríkar leiðir sem aðrir áfangastaðir geta unnið með til að fá samfélagið með í þróun ferðaþjónustunnar og koma í veg fyrir að þolmörkum sé náð í fjölda ferðamanna sem heimsækja svæðið.

Mikilvægi áfangastaða loksins viðurkennd

Sveitarfélög og friðlýst svæði eiga allt undir því að ferðaþjónusta þróist í sjálfbæra átt, en það hefur ekki verið sýnilegt þegar veittar eru viðurkenningar fyrir vel unnin störf í ferðaþjónustu á þessum skala. Með þessari athöfn á ITB í Berlín, sem er ein stærsta ferðakaupstefna í heimi, hefur verið brotið blað.

ITB áhorfendaverðlaun

Auk val dómnefndar var veitt áhorfendaverðlaun fyrir þann áfangastað sem áhorfendur þótti skara framúr. Kosningin fór fram á vefnum meðal þeirra sem sóttu ferðasýninguna.