ÁFANGASTAÐAÁÆTLANIR KYNNTAR 15. NÓVEMBER
Þann 15. nóvember 2018 mun Ferðamálastofa halda kynningu á áfangastaðaáætlunum. Fundurinn verður haldinn á Hótel Sögu í Reykjavík kl. 13-16.
Sjö áfangastaðaáætlanir
Við gerð áfangastaðaáætlana var landinu skipt upp eftir verkefnasvæðum markaðsstofa landshlutanna sem fóru með verkefnisstjórn á sínum svæðum. Áfangastaðaáætlanirnar eru því sjö talsins og á kynningarfundinum munu verkefnisstjórarnir kynna helstu niðurstöður hvers svæðis. Á eftir kynningunum verður tími fyrir spurningar og umræður.
Dagskrá
- Ávarp og setning fundar - Skarphéðinn Berg Steinarsson, ferðamálastjóri
- Helstu niðurstöður hverrar áfangastaðaáætlunar - verkefnisstjórar áfangastaðaáætlana
- Snertifletir Landsáætlunar um innviði við áfangastaðaáætlanir - Dagný Arnarsdóttir og Jón Geir Pétursson frá umhverfis- og auðlindaráðuneyti
- Hvernig munu áfangastaðaáætlanir nýtast? - Aldís Hafsteinsdóttir, bæjarstjóri Hveragerðisbæjar og formaður Sambands íslenskra sveitarfélaga
Fundarstjóri verður Steinunn Valdís Óskarsdóttir, sérfræðingur hjá atvinnuvega- og nýsköpunarráðuneyti.
Frekari upplýsingar og skráningu á viðburðinn má finna inn á vef Ferðamálastofu.
Athugið að viðburðinum verður einnig streymt fyrir þá sem sjá sér ekki fært að mæta á staðinn.