Fréttir af innra starfi

Dagana 15.–19. mars tóku kennarar af Reykjanesi þátt í alþjóðlegri endurmenntunarferð til Danmerkur þar sem áhersla var lögð á sjálfbærni, loftslagsfræðslu og vettvangsnám. Ferðin er hluti af Erasmus+ verkefninu „Tides of Change“, sem miðar að því að efla samstarf UNESCO skóla og styrkja tengsl nemenda við náttúru og nærumhverfi í gegnum nýjar kennsluaðferðir.

Green Footprint er nýtt Erasmus+ samstarfsverkefni sem miðar að því að efla ábyrgari hegðun ferðamanna og styðja við sjálfbæra og nærandi ferðamennsku. Fyrsti fundur verkefnisins fór fram á Lanzarote í mars þar sem samstarfsaðilar mótuðu sameiginlega sýn og næstu skref.

Markaðsstofa Reykjaness tók þátt í ferðasýningunni ITB Berlin dagana 3.–5. mars, einni stærstu ferðaþjónustusýningu heims. Þar kynntu íslensk ferðaþjónustufyrirtæki og markaðsstofur landshlutanna þjónustu sína og upplifanir fyrir alþjóðlegum ferðakaupendum og samstarfsaðilum.

Markaðsstofa Reykjaness tók nýverið þátt í vinnustofuröðinni RATSJÁIN sem miðar að því að efla samkeppnishæfni og verðmætasköpun í íslenskri ferðaþjónustu. Þar fékk starfsfólk tækifæri til að dýpka þekkingu sína á lykilþáttum sem móta þróun áfangastaða og styrkja stöðu þeirra á síbreytilegum markaði.

REGENERATE á Reykjanesi hefur verið valið sem fyrirmyndarverkefni Íslands á sýningu í Evrópuþinginu í Brussel. Þar verður verkefnið kynnt sem dæmi um hvernig ferðaþjónusta getur skapað raunverulegan ávinning fyrir samfélag og náttúru.

Mannamót Markaðsstofa landshlutanna fór fram í Kórnum í Kópavogi síðasta fimmtudag og var einn af lykilviðburðum Ferðaþjónustuvikunnar.