Fréttir af innra starfi

Úthlutunarhátíð Uppbyggingarsjóðs Suðurnesja fór fram í Hljómahöll 21. nóvember, þar sem kynnt voru fjölbreytt verkefni sem stuðla að menningu, nýsköpun og samfélagsþróun á svæðinu. Meðal þeirra sem hlutu styrk var Reykjanes jarðvangur, sem fékk 2.700.000 kr. til metnaðarfulls verkefnis sem tengist almyrkvanum 2026. Styrkurinn markar mikilvægt skref í undirbúningi fyrir þennan einstaka náttúruviðburð og mun styðja við bæði fræðslu, listsköpun og samfélagslega þátttöku á Suðurnesjum.

Markaðsstofa Reykjaness tók þátt í World Travel Market (WTM) í London dagana 4.–6. nóvember, einum stærsta og áhrifamesta vettvangi ferðaþjónustunnar á heimsvísu. Þar var Reykjanes kynnt sem heilsársáfangastaður með áherslu á sérstöðu svæðisins, nálægð við flugvöllinn, náttúrutengdar upplifanir og tækifæri sem tengjast almyrkvanum 2026.

Með sterkri samstöðu, framtíðarsýn og trú á eigin samfélag hófst formlega verkefnið Grindavík – Saman í sókn þann 12. nóvember. Á öflugum staðarfundi í Gjánni komu stjórnendur og lykilstarfsmenn frá 21 fyrirtæki saman til að leggja grunn að sameiginlegri vegferð í átt að endurreisn, uppbyggingu og eflingu atvinnulífs í Grindavík.

Vestnorden ferðakaupstefnan fór fram á Akureyri 30. september - 1. október.

Dagana 8.–12. september 2025 fóru fulltrúar Markaðsstofu Reykjaness, GeoCamp Iceland og Reykjanes UNESCO Global Geopark til Temuco í Suður-Chile til að taka þátt í 11. Alþjóðlegu ráðstefnu UNESCO Global Geoparks (GGN 2025).

Reykjaneshafnir, í samstarfi við Reykjanesbæ og Markaðsstofu Reykjaness, býður til fundar um móttöku skemmtiferðaskipa í Keflavíkurhöfn, fimmtudaginn 26. júní kl. 14.00 á Hótel Keflavík.

Bláa Lónið hreppti fyrsta sæti í flokki stærri fyrirtækja og annað sæti í flokki allra fyrirtækja í European Inspiring Workplaces Awards 2025.

Í tilefni þess að 10 ár eru liðin frá því að Reykjanes jarðvangur varð UNESCO Global Geopark fögunum við viku jarðvanga frá 15. maí til 8. júní n.k.

Samband sveitarfélaga á Suðurnesjum hefur falið Markaðsstofu Reykjaness að leiða verkefni sem miðar að því að undirbúa svæðið heildstætt með áherslu á fræðslu, upplifun, öryggi og samfélagslega þátttöku.

Í lok september verður haldin fyrsta Sjálfbærnivikan á Reykjanesi, en hún fer fram dagana 25. september til 1. október.

Námskeið á vegum MSS og samstarfsaðila