Green Footprint – Preparing Youth for Sustainable and Regenerative Travel Practices er evrópskt samstarfsverkefni styrkt af Erasmus+. Markaðsstofa Reykjaness (Visit Reykjanes) leiðir verkefnið.
Verkefnið hófst í upphafi árs 2026 og stendur fram til júlí 2027. Aðrir samstarfsaðilar í verkefninu eru CABILDO INSULAR DE LANZAROTE (Lanzarote Geopark) á Spáni og Galileo.it S.r.l. á Ítalíu.
Markmið verkefnisins
Markmið Green Footprint er að undirbúa ungt fólk, kennara og skipuleggjendur ferða fyrir ábyrgar og nærandi ferðavenjur.
Verkefnið leggur áherslu á að ungmennahópar sem ferðast milli landa:
- skilji áhrif sín á náttúru og samfélög
- tileinki sér sjálfbæra hegðun
- geti lagt jákvætt af mörkum til þeirra staða sem þeir heimsækja
Á Reykjanesi, þar sem viðkvæm náttúra og jarðfræðileg sérstaða krefjast ábyrgðar, er þetta sérstaklega mikilvægt.
Helstu afurðir
Í verkefninu verða þróuð og prófuð:
- Fræðslumyndbönd fyrir ungt fólk um sjálfbærar og nærandi ferðavenjur
- Leiðarvísir fyrir kennara og leiðbeinendur með hagnýtum verkefnum
- Stafrænt „Regenerative Map“ – kort sem tengir ungmennahópa við staðbundin verkefni og tækifæri til þátttöku
Efnið verður prófað af samstarfsaðilum í öllum löndunum og aðlagað að ólíkum aðstæðum áður en það verður gert aðgengilegt opinberlega í gegnum Erasmus+ vettvanginn og net samstarfsaðila.
Verkefnafundir
Verkefnið felur í sér þrjá lykilfundi á verkefnatímanum, auk reglulegra stöðufunda í gegnum fjarfundabúnað:
- Upphafsfundur á Lanzarote – 10.–11. mars 2026
Þar verður lagður grunnur að vinnunni, verkáætlun staðfest og þróun fræðsluefnis formlega hafin. - Vinnufundur á Ítalíu – haustið 2026
Fundurinn verður haldinn hjá samstarfsaðilum okkar, Galileo.it S.r.l., þar sem fyrstu drög að fræðslumyndböndum, leiðarvísi og stafrænu korti verða yfirfarin og þróuð áfram. Þar verður jafnframt unnið úr endurgjöf frá hagaðilum og kennurum til að tryggja að efnið sé hagnýtt og aðlagað raunverulegum aðstæðum. - Lokafundur á Íslandi – í lok verkefnatímans 2027
Þar verða niðurstöður kynntar, verkefnið metið og unnið að áframhaldandi innleiðingu og nýtingu hér á landi.
Fylgstu með framgangi verkefnisins
Á þessari síðu verður birt reglulega:
- Fréttir af verkefnisfundum og vinnustofum
- Uppfærslur um þróun fræðsluefnis
- Upplýsingar um þátttöku hagaðila á Reykjanesi
- Niðurstöður og útgefið efni
Við hvetjum áhugasama – skóla, ferðaþjónustuaðila, sveitarfélög og aðra hagaðila – til að fylgjast með og taka þátt í samtalinu um hvernig ungmennaferðir geta orðið sjálfbærar og nærandi fyrir bæði gesti og gestgjafa.
