Upplýsingar um verð
Kæru vinir.
Í haust verða fjögur ár liðin frá því að ég, Már, flaug úr hreiðrinu og hélt yfir hafið á vit ævintýranna. Nú er ég á lokaárinu við hinn frábæra tónlistarháskóla Royal Northern College of Music (RNCM) í Manchester. Af því tilefni tel ég í mína þriðju og síðustu tónleika á Íslandi ásamt RNCM Session Orchestra.
Á tónleikunum verður farið um víðan völl. Auk tónlistar eftir mig verða flutt vel valin lög sem hafa mótað mig í gegnum tíðina, í nýjum og glæsilegum sinfóníuútsetningum.
RNCM Session Orchestra skipa þrjátíu stórkostlegir ungir hljóðfæraleikarar. Þessir tónlistarmenn eru upprennandi stjörnur ensku sinfóníuelítunnar og koma reglulega fram með hljómsveitum á borð við BBC Philharmonic, The Hallé og Opera North í Manchester.
Það hefur verið mér ómetanlegur lærdómur og mikill heiður að starfa með þessu hæfileikaríka tónlistarfólki undanfarin ár. Ég hlakka mikið til að bjóða hópinn velkominn í fallega heimabæinn okkar, Reykjanesbæ.
Verkefni af þessari stærð er gríðarlega umfangsmikið og stuðningur heimamanna og góðra styrktaraðila hefur verið ómetanlegur í þessari vegferð.
Við hlökkum til að taka á móti ykkur í Hljómahöll og eiga með ykkur ógleymanlega kvöldstund.
Flytjendur: Már Gunnarsson og Ísold
Hljómsveitarstjóri: Prófessor Andy Stott
Hljóðfæraleikarar:
Fyrsta flauta: Jessica Pun
Önnur flauta/pikkoló: Adele Bracegirdle
Óbó: Elizabeth Russell
Altsaxófónn: Matthew Hodson
Tenór-/sópransaxófónn: Zack Smith
Barítónsaxófónn: Samuel Lightwing
Franskt horn: Thomas Hutchison og Joseph Clarkson
Trompet: Robbie Richardson og Alex Browne
Básúna: Oliver Bartlett
Píanó: Már Gunnarsson
Hljómborð: Aaron Le Maistre
Gítar: Guy Bandell
Bassi: Max Cooper
Slagverk: Sam Garbutt og Daniel Malone
Fyrsta fiðla: Lian Yip, Fionnghuala Drumgoole, Elanor Leydecker og Coraleigh Edwards
Önnur fiðla: Elana Gewirtz, Eleanor Prout, Ellie Shek og Emily Ampt
Víólur: Éadaoin Drumgoole og Nadia Eskandari
Selló: Lucy Pye og Stefan Rogers
Bakraddir: Matt Vining, Owen Edwards og Finn Flood
Samstarfsaðilar:
Uppbyggingarsjóður Suðurnesja, Courtyard by Marriott Reykjavík Keflavík Airport, Sporthúsið Reykjanesbæ, K. Steinarsson, Bus4u Iceland, Rétturinn, Hamborgarabúlla Tómasar, Kökulist Bakarí og Reykjanesbær.